(විනීතා එම් ගමගේ)

හම්බන්තොට වරායේ ණය ගෙවන්න බැරි බවට ආණ්ඩුව කරන ප‍්‍රකාශය බොරුවක් යැයි ජාතික සංවිධාන එකමුතුව පවසයි.

එම වරාය ඉදිකිරීමට වියදම් වි ඇත්තේ ඇමරිකන් ඩොලර් 1225 ක්  බවත් 2036 වනවිට එහි පොලිය ඇමෙරිකන් ඩොලර් මිලියන 495ක් වන බවත් එම සංවිධාන එකමුතුව පෙන්වා දෙයි.

ඒ අනුව 2036 වන විට මුළු මුදල මිලියන 1761ක් වන බවත් මේ වනවිට  එයින් ඇමෙරිකන් ඩොලර් මිලියන 500 ක් ගෙවා අවසන්  බවත් ජාතික සංවිධාන එකමුතුවේ ලේකම් වෛද්‍ය වසන්ත බණ්ඩාර මහතා අද (01) පැවති මාධ්‍ය  හමුවක දී පැවැසීය.

ඒ අනුව ඉතිරි ටික ගෙවීම අමාරු වැඩක් නොවන බව කී බණ්ඩාර මහතා එම වරාය විකුණා දැමීමට රජය පවසන බොරුවක් බවත් පැවසීය.

‘‘2014 ඩොලර් මිලියන 8900 ක ලාබ ලැබු වරාය අද  පාඩු ලබනවා නම් ඒ ආණ්ඩුවේ දුර්වල කමක්. හම්බන්තොට ආයෝජන ගිවිසුම් නැවැත්තුවා. හම්බන්තොටින් තෙල් දෙන එක  නැවැත්තුවා. කුහක ආර්ථික ප‍්‍රතිපත්තියක් මොවුන් අනුගමනය කළේ. හම්බන්තොට වරායේ සියලූ වියදම් පියවන්න සුදානම් කර තිබුණේ අවුරුදු අටකින්. එය කරන්න පුළුවන් කම තියෙද්දි විකුණ ගෙන කනවා’’ යැයි ද වසන්ත බණ්ඩාර මහතා කීය.