(රෝහණ සමරවීර)

හත් අවුරුදු දැරියකට අමානුෂික ලෙස පහරදී මරා පොහොර කවරයකට දමා එයට ගල් පුරවා  පතල්කට දමා ඝාතනය කර ඇතැයි පොලිසිය කියයි.

මෙම අපරාධය සම්බන්ධව අධිකරණයට කරුණු ඉදිරිපත් කිරීමෙන් අනතුරුව ගොඩ ගන්නා බව ද  දෙල්වල පොලිසිය කියයි.

වර්ණකලසූරිය මුදලිගේ හංසිකා හර්ෂණී කුමාරි නැමැති දැරියක එසේ ඝාතනය කර ඇතැයි පොලිසිය පවසයි.

එම ඝාතනය සම්බන්ධයෙන් දැරියගේ මව ඇතුළු කාන්තාවන් දෙදෙනකු සැකපිට   අත්අඩංගුවට ගෙන ඇතැයි ද පොලිසිය කියයි

තවත් අඹුසැමි යුවළක් ද මෙම ඝෘතනය සම්බන්ධයෙන් අත්අඩංගුවට ගැනීමට පරීක්ෂණ මෙහෙයවන බව ද පොලිසිය සඳහන් කරයි.

ප‍්‍රදේශයෙන් පලාගොස් ඇති ප‍්‍රධාන සැකකරු බවට සැකකරන පුද්ගලයාට ස්ත‍්‍රී දූෂණ, ළමා අතවර, පුද්ගලයන්ට ඇසිඞ් ගැසීම්, සොරකම්, නීති ව්රෝධී මත්පැන් ජාවාරම වැනි දරුණු ගණයේ අපරාධ ගණනාවකට චෝදනා ලද්දකු බව පොලිසිය පවසයි.

මේ වනව්ටත් එම චෝදනාවලට අධිකරණ ගණනාවක එම නඩු ව්භාග වෙමින් පවතින බව පොලිසිය සදහන් කරයි.