(ක්‍රිෂාන් ජීවක ජයරුක්)

අභාවප්‍රාප්ත හිටපු අමාත්‍ය රොනී ද මැල් මහතාගේ දේහය අද සවස රුහුණ විශ්ව විද්‍යාලයට  රිය පෙරහැරකින් රැගෙන ආවේය.

කොලඹ පිහිටි නිවසේ සිට රැගෙන ආ ඒ මහතාගේ දේහය රුහුණ විශ්ව විද්‍යාලයේ උප කුලපති ජ්‍යෙෂ්ඨ මහාචාර්ය සුජීව අමරසේන, නියෝජ්‍ය උප කුලපති මහාචාර්ය සමන් චන්දන හා විදුලි බල හා බලශක්ති අමාත්‍ය කංචන විජේසේකර යන මහත්වරු ඇතුළු සරසවි මහාචාර්ය ආචාර්ය කඨිකාචාර්යවරුන් ඇතුළු පිරිසක් විසින් භාර ගෙන කර මතින් ගෘහස්ථ ක්‍රිඩාගාරය වෙත රැගෙන ගොස් තැන්පත් කලේය.

පසුව එම පිරිස ඇතුළු සරසවි අධ්‍යන අනධ්‍යයන කාර්ය මණ්ඩලය ද සිසු සිසුවියන් ද දේශපාලඥයන් ඇතුළු මහජනතාව රොනී ද මැල් මහතාගේ දේහයට අවසන් ගෞරව දැක්වීය.

රුහුණ විශ්ව විද්‍යාලය ආරම්භ කිරිමට පුරෝගාමී මෙහෙවරක නිරත වු රොනීද මැල් මහතාගේ දේහය හෙට  සවස 3.00 තෙක් මහජන ගෞරවය සදහා එම පරිශ්‍රයේ තැන්පත් කර තැබෙන අතර සවස 4.00 ට ආදාහන කටයුතු සරසවි ක්‍රිඩාංගනයේ දී සිදු කිරීමට නියමිතව ඇත.

ඒ ඔහුගේ අවසන් කැමති පත්‍රයේ සදහන් අයුරිනි.

අවමංගල්‍ය උත්සවය සදහා ජනාධිපති රනිල් වික්‍රමසිංහ මහතා ඇතුළු ප්‍රභූ වරුන් පිරීසක් සහභාගිවීමට නියමිතය.