ගංවතුරෙන් හා නාය යෑමෙන් විපතට පත්වූවනට සහන සැලසීම සඳහා ගම් පෙදෙස්වලට යෑමට මැති ඇමැතිවරුන්ට ඉඩ සලසමින් පාර්ලිමේන්තුව අද (19) 12.30ට කල් තැබිණි.

මේ අතර පසුගිය 5 වැනිදා පරිපූරක ඇස්තමේන්තුවක් සම්බන්ධයෙන් වූ ඡන්ද විමසීම සිකුරාදා (20) යළි පැවැත්වීමට කථානායක තීරණය කරයි.

එම ඡන්ද විමසීම වැරදි බව ඒකාබද්ධ විපක්ෂයේ මන්ත්‍රීවරු කියා සිටියහ.

අගමැති රනිල් වික්‍රමසිංහ මහතා පැවසූයේ සභාවේ දී කථා කිරීමටත් අඩුපාඩු පෙන්වා දීමටත් හැම මන්ත්‍රීවරයකුටම අයිතියක් ඇති බවයි. එහෙත් චණ්ඩි කථාවලට ඉඩක් නොතැබිය යුතු බවත් එවැනි චණ්ඩින් සිටීනම් ඔවුන් ඉවත් කර සභාවේ කටයුතු කරගෙන යා යුතු බවත් අගමැති කීවේය.