(ටී.කේ.ජී.කපිල )
රුපියල් එක් කෝටි පහළොස් දහසක් වටිනා ස්වර්ණාභරණ තොගයක් ගුවන් තොටුපොළ පිරිසිදු කරන්නියක විසින් ගුවන් තොටුපළෙන් පිට කිරීමට තැත් කිරීමේ දී රේගු නිලධාරීන් විසින් අත් අඩංගුවට ගෙන ඇති බව රේගු මාධ්‍ය ප්‍රකාශක , ශ්‍රී ලංකා රේගුවේ අතිරේක  අධ්‍යක්ෂ ජනරාල් සුනිල් ජයරත්න මහතා පැවසීය.
 
 අත්අඩංගුවට ගෙන ඇත්තේ ගුවන් තොටුපළ අවට ප්‍රදේශයේ පදිංචිව සිටින කාන්තාවකි .
 
මෙම ස්වර්ණාභරණ තොගය ගුවන් තොටුපළ සංක්‍රමණික මගී පර්යන්තයේ සිටි මගියෙකු විසින් ඇයට ලබා දී තිබූ අතර , ඇය එම ස්වර්ණාභරණ තොගය ඇයගේ රාජකාරී පිරිසිදු කිරීමේ උපකරණ සහ රසායනික ද්‍රව්‍ය බහා ගෙන යන ට්‍රොලියේ තිබූ පොලිතීන් මල්ලක සඟවා ගෙන ගුවන් තොටුපළෙන් පිටතට යමින් සිටියදී  ගුවන් තොටුපළ ආරක්ෂක නිලධාරීන් පිරිසක් විසින් මේ බැව අනාවරණය කරගෙන රේගු නිලධාරීන් වෙත භාර දී තිබේ .
 
මෙම පිරිසිදු කරන්නිය සතු වූ මෙම බෑගය තුළ මාල ,වළලු , මුදු , කරාබු ඇතුළු කිලෝ ග්‍රෑම් 02 යි ග්‍රෑම් 187 ක් බර ස්වර්ණාභරණ තොගයක් තිබූ බවත් , ඇය මෙම ජාවාරම දිගු කළක සිට සිදු කරන්නට ඇති බවට රේගු නිලධාරීන් සැක කරන බවද  රේගු මාධ්‍ය ප්‍රකාශකවරයා වැඩිදුරටත් සදහන් කළේය .