මිනිසුන් සිව් දෙනකු  2002 දී සිය කාරයේ හැපීමෙන් පසු පළා ගිය බොලිවුඩ් නළු සල්මන් ඛාන් මුම්බායි උසාවියකින් අද (06) වැරදිකරු විය.

ඔහුට වසර 10කට සිර දඬුවම් නියම කිරීමට ඉඩ ඇති බව උසාවි ආරංචිමාර්ග කියයි.

වසර 13කට පසු නඩු තීන්දුව ප්‍රකාශයට පත් විය.

අනතුර සිදුවෙද්දී තම රියදුරා කාරය පැදවූ බවට සල්මන් ඛාන් කී කතාව උසාවිය ඉවත දැමීය.

ඔහුගේ ආරක්ෂකයා පොලිස් කොස්තාපල් සාක්කි දෙමින් පැවසුවේ බීමතින් සිටි නළුවා පැයට කිලෝමීටර 90ක වේගයෙන් රිය පදවා ඇති බවයි.

රම් හා කොක්ටේල් බී රිය පැදවූ ඛාන්ගේ රියට පදිකවේදිකාවේ නිසා සිටි මිනිසුන් පිරිසක් යටවූ බව  නඩුවේ දී කියැවිණි.

එම අනතුරෙන් පදිකවේදිකාවේ නිදා සිටි අයකු මරුමුවට පත් වූ බව නඩුව විභාග කළ විනිසුරු දේශ් පන්දේ කීවේය.

සල්මන් ඛාන් රිය පැදවූ බව ද විනිසුරු අවධාරණය කළේය.

චිත්‍රපට හා රූපවාහිනී ප්‍රසංග සියයකට වැඩි ගණනක රඟපා ඇති සල්මන් තවත් චිත්‍රපට හතකට අත්සන් කර ඇත. ඉන්දියා රුපියල් කෝටි 200ක් (ශ්‍රීලංකා රුපියල් කෝටි 416ක්) ඔහුට ආදායම් වශයෙන්  එම චිත්‍රපටවලින් ලැබීමට නියමිතය.

සල්මන් සමඟ කාලයක් තිස්සේ සතුරු වී සිටි ශා රුක් ඛාන් මෙම සිද්ධිය සැලවීමත් සමඟ ඔහු බැලීමට ඔහුගේ නිවසට ද ගියේය.