​බොලිවුඩයේ ගායිකාවක සහ රංගන ශිල්පිනියක ලෙස ජනප්‍රියත්වට පත් ප්‍රියංකා චොප්රාට මේ දිනවල වාසනාව උදාවී ඇති බව බොහෝදෙනා විශ්වාස කරනවා. ඒ ලෝකයේ බලවත් කාන්තාවන් සියදෙනා අතරට ප්‍රියංකාගේ නාමය පැමිණීමත් සමගයි.

ඇයට මෙවැනි ගරුත්වයක් හිමිවුවත් එළඹෙන වර්ෂයේදී ඇය රංගනයෙන් දායකවීමට නියමිතව ඇති Baywatch චිත්‍රපටය හේතුවෙන් ඉන්දියානු ඇතැම් විදෙස් වෙබ් අඩවි විසින් ඇයව විවේචනය කරනු ලබනවා.

කෙසේ නමුත් හොලිවුඩය සඳහා පා තබා ඇති ප්‍රියංකාට මෙම වර්ෂයේදී බොලිවුඩ් චිත්‍රපට සඳහා රංගනවරම් හිමිව ඇත්තේ ඉතාමත් සීමිත සංඛ්‍යාවක් බව සඳහන්. කෙසේ නමුත් ඇය රංගනයෙන් දායක වූ Jai Gangaajal චිත්‍රපටය මාර්තු මාසයේ එළිදැක්වූවත් එයට වැඩි ආදායමක් උපයා ගැනීමට සමත් නොවූ බවද නොරහසක්. හොලිවුඩයට පා තැබීම හේතුවෙන් ඉන්දියානු සිනමා කර්මාන්තයේදී ප්‍රියංකාට ලැබෙන අවස්ථා ප්‍රමාණය අඩුවීමට හැකි බවයි චිත්‍රපට විචාරකයන්ගේ මතය වී තිබෙන්නේ. ඔවුන් පවසා සිටින ආකාරයට ප්‍රියංකා හොලිවුඩයට පා තැබීම හේතුවෙන් ඇය බොලිවුඩ් සිනමා ප්‍රතික්ෂේප කරන අතර, එමගින් ඇයට අත්වන ඉරණම පිළිබඳ ඇයට කිසිදු අදහසක් නොමැති බව ඔවුන් පෙන්වා දෙනවා. මෙම හේතූන් නිසා ඉදිරියේදී ඇයගේ ඉරණම කෙසේ විසඳේවිද යන්න කිසිවෙකුට ප්‍රකාශ කළ නොහැකි බවයි චිචාරයන් වැඩිදුරටත් පෙන්වා දෙන්නේ.

​