අජන්ත කුමාර අගලකඩ

සමෘද්ධි අමාත්‍යංශය මගින් ආරම්භ කර ඇති සමෘද්ධි ප්‍රතිශෝධන වැඩසටහන නතර කිරීමට ඇමැති එස් බී දිසානායක මහතා තීරණය කර ඇතැයි වාර්තා වේ.

ජනාධිපතිවරයාගේ ප්‍රධානත්වයෙන් ජනාධිපති නිල නිවසේ අද (10) රාත්‍රී පැවැති ශ්‍රීලනිප මධ්‍යම කාරක සභා රැස්වීමේදී ඇමැතිවරයා මේ බව ප්‍රකාශ කර ඇත.

සමෘද්ධි ප්‍රතිශෝධන වැඩසටහනට දැඩි විරෝධයක් සමෘද්ධි ලාභීන්ගෙන් එල්ල වී ඇති බව ඇමැතිවරුන් එම රැස්වීමේදී ප්‍රකාශ කර තිබේ.  එහිදී අදහස් දැක්වූ ජනාධිපතිවරයා දැනට එම වැඩසටහන නතර කරන ලෙස එස් බී දිසානායක ඇමැතිවරයාට දැනුම් දී ඇති බව දැනගන්නට තිබේ.