අපි අපේ ජීවිත කාලෙදී විවිධ ප‍්‍රණාම උත්සව දැකලා තියෙනවා. විවිධ ප‍්‍රණාම උත්සව ගැන අහලා තියෙනවා. ඒත් තමන්ගෙ විවාහ උත්සවය වෙනුවෙන් උදව් උපකාර කරපු, කැපවීම් කරපු අය වෙනුවෙන් උපහාර පිරිනැමීමක් ගැන මීට කලින් අහලා තියෙනවද....? අන්න ඒ විදිහෙ දරුවකුට උපහාර ප‍්‍රණාම පිළිගැන්වීමක් ගැන පසුගිය දවසක ආරංචි වුණා. ඒ අමුතු වැඩේ කරලා තියෙන්නේ අයෝමි ශානිකායි. (සුදු නංගි) ඇගේ සැමියා චින්තක දොළපිහිල්ලයි දෙන්නා එකතු වෙලයි.

"මගෙයි චින්තකගෙයි විවාහය සිද්ධ වුණේ 2013 අවුරුද්දෙ. අපි දෙන්නම කාර්ය බහුල ජීවිත ගත කරද්දියි ඒ වෙනුවෙන් අපිට සූදානම් වෙන්න තිබුණේ. ඒ වෙලාවෙ දී අපට කැපවීමෙන්ම උදව් කරපු පිරිසක් හිටියා. ඒ අයට දක්වන ප‍්‍රණාමයක් විදිහට තමයි මේ ප‍්‍රණාම තිළිණ ප‍්‍රදානය කිරීම සිද්ධ වුණේ. තෝරා බේරා ගැනීමක් කරන්නෙ නැතිව, අපිට උදව් කරපු හැමෝටම එය පිළිගැන්නුවා. යාළු මනාලයට හිටපු අය, යාළු මනාලියන්ට හිටපු අය, අපිව හැඩ ගැන්වීම් කරපු අය, ඡායාරූප ශිල්පියො, ආදී වශයෙන් පෝරුව ගහන්න සහාය වුණ කෙනා දක්වා හැමෝම ඊට ඇතුළත් වුණා."

"අපි දෙන්නා හිතුවේ අපේ විවාහ ජීවිතේ සුවිශේෂී දවසක ඒ වගේ දෙයක් කරන්න. ඉතින් ඒ දිනය උදාවුණේ අපේ පුතාගෙ පළවෙනි උපන් දිනේ දවසෙ."

ගාමිණී වාසලසූරිය