කැලණි ගඟේ ජල ප්‍රවාහය අස්වාභාවික ලෙස ප්‍රචණ්ඩවී ඇති හෙයින් ගඟේ බෝට්ටු ගමනාගමනයද අනතුරුදායක බව බෝට්ටු පදවන්නෝ කියති.

මේ නිසාම කොටුවූ පිරිස් සිටින ඇතැම් පෙදෙස්වලට ආහාර පාන සැපයීම ප්‍රශ්නයක් වී ඇතැයි සහන සේවකයෝ කියති. අවතැන්වූ ඇතැමුන් කෑම ඉල්ලා පණිවිඩ එවන නමුත් ගඟේ සැඩපහර නිසා ඉතා පරිස්සමෙන් යාත්‍රා කළ යුතු බව නාවික හමුදාවද කියයි. පෙරදින නාවික හමුදා බෝට්ටුවක් අනතුරකට පත්විය.

මේ අතර කැලණි ගඟේ ජල මට්ටම ශීඝ්‍රයෙන් ඉහළ ගිය නිසා මාලබේ දැනට ගෘහාශ්‍රිත නල ජලය මඩ පැහැයට මිශ්‍ර අව පැහැයක් ගෙන ඇති බව ජල පාරිභෝගිකයෝ කියති. ජල නල මාර්ග බොහොමයක් ගංවතුරට යටවීමෙන් අබලන්වීම ඊට හේතුව බවත් හැකි ඉක්මනින් පොම්පාගාරවල ජල පොම්ප යථා තත්ත්වයට පත්කරන බවත් ජල සම්පාදන හා ජලාපවහන මණ්ඩලය පවසයි.

image-5abba1a7d81e6e5da1849907df4cc2f8d193e4425f27f19e42834da1a7a2e87d-V image-248159e70da261ad321b62802f0585632c01275c1c03b7b2083ba8cdee3f1664-V image-df5447562e852ed3aa47758f1fa164a8b913d0c59f22a016495dbf6b5bb31a03-V

ඡායාරූප - බිමල් ශ්‍යාමන් ජයසිංහ

kelani_2016519 kelani_20165192 kelani_20165193 kelani_20165194 kelani_20165195 kelani_20165196