(කාංචන කුමාර ආරියදාස)

විදේශීය සංචාරකයන් සම්බන්ධයෙන් විශේෂ අනතුරු ඇඟවීම් රටවල් ගණනාවක් විසින් නිකුත්කර තිබුණද මෙරටට පැමිණෙන සංචාරකයන්ගෙන් සියයට 99 ක් පමණ දෙනාම පැමිණෙන සීගිරිය සංචාරක ප්‍රදේශයට අද උදෑසන වනවිටත් කිසිදු විශේෂ ආරක්‍ෂිත වැඩපිළිවෙළක් ක්‍රියාත්මක නොමැති බව සංචාරක මඟ පෙන්වන්නෝ පවසති.

මධ්‍යම සංස්කෘතික අරමුදලේ සීගිරි ව්‍යාපෘති කළමනාකාර තුසිත හේරත් මහතාගෙන් ඊයේ (24) උදෑසන කළ විමසීමකදී හෙතෙම සඳහන් කළේ මෙතෙක් තමන්ට කිසිදු ආයතනයකින්, ආරක්ෂක අංශයකින් ආරක්‍ෂාව සිදුකරන ආකාරයක් හෝ ආරක්ෂාවක් වැඩිකිරීමක් පිළිබඳව දැනුවත් කිරීමක් සිදුකර නොමැති බවය.

ඒ අනුව සුපුරුදු පරිදි මධ්‍යම සංස්කෘතික අරමුදලේ ආරක්ෂක නිලධාරීන් සහ සීගිරිය සංචාරක පොලිසිය ක්‍රියාත්මක බව හේතෙම පැවැසීය.

කෙසේ වෙතත් පසුගියදා විදේශීය රටවල් රැසකින් අනතුරු ඇඟවීම් පිළිබඳව නිවේදන නිකුත් කර තිබුණද සීගිරිය නැරඹීම සඳහා අද ( 24 ) දින උදෑසන අති විශාල විදේශීය සංචාරකයන් පිරිසක් සීගිරියට පැමිණ සිටින අයුරු දැක ගැනීමට හැකි විය.