(සුජිත් හේවාජුලිගේ )

රටේ ඇතිවූ අස්ථාවරත්වය සහ ආර්ථික  අර්බුදකාරී වාතාවරණය හේතුවෙන් ශ්‍රී ලංකන් ගුවන් සමාගමේ නියමුවන් හැටකට ආසන්න පිරිසක් එම සමාගමෙන් ඉවත්ව ගොස් ඇතැයි එහි ආරංචි මාර්ග වලින් පැවසේ.

ඒ අනුව ගුවන් නියමු හිඟයට පිළියමක් ලෙස විදේශ ගුවන් නියමුවන් බඳවා ගැනීමට කටයුතු කරගෙන යන බව එම සමාගමේ ප්‍රකාශකයෙක් පැවසීය.

ඒ සඳහා රජයේ අනුමැතිය ලැබී ඇති බවද ඔහු සඳහන් කළේය.

ආර්ථික ගැටලු හේතුවෙන් ඉවත් වූ ගුවන් නියමුවන් රැසක් විදේශ මුවන් සේවා සමග සම්බන්ධවී කටයුතු කරන බව  එම ආරංචි මාර්ග වැඩිදුරටත් සඳහන් කළේය.