(විමුක්ති එස් රුද්‍රිගු)

ශ්‍රී ලංකාවට ණය සහන ලබා දීමේ ප්‍රයත්නයන්ට සහාය වන බව 'ජී7' සමුළුවේදී සාමාජික රටවල මුදල් අමාත්‍යවරු ප්‍රකාශ කළහ.

ජර්මනියේ ඊයේ (19) පැවති 'ජී7' සමුළු රැස්වීමේදී ශ්‍රී ලංකාවට සහාය දෙන බව එම රටවල් නිවේදනය කළේය.

ශ්‍රී ලංකාව (18) සහන කාලය අවසන් වූ බැඳුම්කර දෙකක් සඳහා පොලී ගෙවීමට අපොහොසත් වීමත් සමග නිල වශයෙන් විදේශ ණය ගෙවීම පැහැර හරින ලද රටක් බවට පත් විය.

"ශ්‍රී ලංකාව මුහුණ දී සිටින ආර්ථික අර්බුදයට දීර්ඝ කාලීන විසඳුමක් සෙවීමට 'ජී7' රටවල් කැපවී සිටින බවත් ජාත්‍යන්තර මූල්‍ය අරමුදලෙන් ණයක් ලබා ගැනීම සඳහා ඵලදායි ලෙස සාකච්ඡා කරන ලෙසත්" 'ජී7' සාමාජික රටවල් ප්‍රකාශයක් නිකුත් කරමින් ඉල්ලා සිටියේය.