ඇමරිකාවේ නව සංක්‍රමණික නීති හේතුවෙන් නිව්යෝක් නුවර ජෝන් එෆ්.කෙනඩි ගුවන්තොටුපළේ ශ්‍රී ලාංකිකයන් ඇතුළු රටවල් 20ක 71 දෙනකු සිරවී සිටින බව විදෙස් මාධ්‍ය වාර්තා පවසයි.

ඇමරිකා නව ජනපති ඩොනල්ඩ් ට්‍රම්ප් මහතාගේ නව සංක්‍රමණික නීති හේතුවෙන් මෙම තත්ත්වය උද්ගතවී ඇතැයි කියති.

ශ්‍රී ලංකාවට අමතරව මැලේසියා, චීන, තුර්කි, පාකිස්තාන, ප්‍රංශ, ඇල්ජීරියා, ජෝර්දාන්, කටාර්, සෙනගල්, ස්විට්සර්ලන්ත, ඊජිප්තු, හා ඝානා ඇතුළු රටවල පිරිසක් ද සිරියා, ඉරාක, සුඩාන, ලිබියා යන ඇමරිකාවට ඇතුළුවීම තහනම් කළ රටවල අයද එහි රඳවාගනු ලැබ සිටිති.

මේ හේතුවෙන් ජෝන් එෆ්.කෙනඩි ගුවන්තොටුපළේ කලබලකාරී තත්ත්වයක් උද්ගතව ඇති බවත් වාර්තාවේ. මුස්ලිම් ජාතික පිරිස් බහුතරයක් වෙසෙන රටවල් 7කට ඇමරිකාවට ඇතුළුවීම තහනම් කරමින් පසුගියදා නව ජනපති ඩොනල්ඩ් ට්‍රම්ප් මහතා නියෝගයක් නිකුත් කළ අතර සරණාගතයින් වෙනුවෙන් දින 120ක කාලයකට එය අත්හිටවනු ලැබිණි.