පසුගිය වසර 13ක කාලයක වැටුප් ලෙස සෞදි රියාල්  68000 ක් (රුපියල්  2424941) ගෙවන ලෙස හයෙල් මහා‍‍‍‍ධිකර‍ණය  ඇගේ හාම්පුතා වෙත නියෝග නිකුත් කර ඇති බවටත් ඊට අමතරව ඉස්මයිල් උම්මා නැමැති මෙම කාන්තාවට ලංකාවට යාම සඳහා  ගුවන් ගමන් ගාස්තු ගෙවන ලෙසත් නියෝග කැර ඇති බවත් ඇරැබි නිවුස් පුවත්පත සඳහන් කරයි.

දැනට මෙම කාන්තාව හයෙල් කාන්තා සුභසාධන කඳවුරේ  පොලිස් ආරක්ෂාව යටතේ පසුවන බව මුඛාරක්  අල් කතානි නැමැති ඇයගේ හාම්පුතා  හයෙල් අධිකරණ තීන්දුවට එරෙහි  රියාද් අභියාචනාධිකරණයේ  ඇපෑලක් ගොනු කර ඇති බවද පවසයි.

බේරුවල  පදිංචිකාරිනියක් වන  (59)   හැවිරිදි ඉස්මයිල් උම්මා තම දියණියන් තිදෙනාගේ  අධ්‍යාපන කටයුතු කර ගැනීම සඳහා සෞදි අරාබියට පැමිණ ඇත්තේ  රියාල් 400 (රුපියල් 14264) වැටුපකට බව සඳහන්ය.

 ශ්‍රී ලංකා තානාපති  කාර්යාලයයේ බලධාරීන් පවසනුයේ 2014 වසරේ  උම්මා  සහ ඇගේ හාම්පුතා  ගමන් බලපත්‍රය අලුත් කැරගැනීමට  තානාපති කාර්යාලයට පැමිණ ඇති අතර ඇයගෙන් වැඩිදුර විමසීමේදී  හෙළි වී ඇත්තේ වසර 13 පුරාවටම වැටුප් සහ නිවාඩු ලබා නොදී වහල් සේවයේ යොදවා ඇති ඇති බවයි.

 කාන්තාව තානාපති බලධාරීන්  වෙත පැමිණි අවස්ථාව වන විට ඇයට සිය මව් බස වන දමිල බස කතා කිරීමට අමතකව ගොස් තිබු බවත් ඇයට කතා කළ හැකිව තිබුණේ  අරාබි භාෂාව පමණක් බවත් පැවැසේ.

 ඉස්මයිල් උම්මා  ශ්‍රී ලංකා තානිපති කාර්යාලයයේ  ලියාපදිංචි කර පොලිසියටද පැමිණිලි කැර ඇත.

ශ්‍රී ලංකා තානාපති බලධාරීන් පවසනුයේ විශේෂයෙන් හා  ගෘහ සේවිකාවන්ගේ    වැටුප් නොගෙවීම සහ ගිවිසුම් උල්ලංඝණය  කිරීම පිළිබඳ ගැටළු නිරාකරණය කිරීම දවසේ පැය විසිහතර පුරාම විමසිල්ලෙන් සිටින බවයි.

 සෞදි අරාබියේ  ශ්‍රී ලංකා තානාපති  හුසේන් මොහොමඩ් හුසේන් මහතා පැවසුයේ නිත්‍යනුකූලව රැකියාව කරමින් සිටින ඕනෑම කෙනකු වෙනුවෙන් නීතිය මගින් ක්‍රියා කිරීමට බලධාරීන් පසුබට නොවන බවයි.

umma-poto