( සිරංගිකා ලොකුකරවිට )

‘ගංවතුර වළක්වාගන්න අවුරුදු 50ට පෙර හදපු සැලසුම තවමත් ක්‍රියාත්මක කරන්න බැරිවෙලා තියෙනවා. මේවාට විරුද්ධ වෙන අය පස්සේ ස්වභාවික ආපදා සිදුවන විට නැවත කෑ ගහනවා. මේ ක්‍රමය දැන්වත් නවත්වන්න‘ යැයි ජනපති මෛත්‍රිපාල සිරිසේන මහතා පැවසීය.

‘‘තමන්ට ලැබෙන මනාප ගැන බලාගෙන මහජන නියෝජිතයන් තීන්දු තීරණ ගන්නවා. රජයක් ගෙන එන සංවර්ධන යෝජනාක්‍රම වලට විරුද්ධ වෙනවා. දේශපාලන බේදයකින් තොරව මේ සංවර්ධන වැඩවලට එකතු වෙන්න“ යැයි ද ජනපති කියා සිටියේ ගාල්ල දිස්ත්‍රික් ලේකම් කාර්යාලයේ පැවති ආපදා විශේෂ දිස්ත්‍රික් සම්බන්ධීකරණ කමිටු රැස්වීම අමතමිනි.

ජනාධිපතිවරයා මේ බව ප්‍රකාශ කළේ ඉදිරි ගංවතුරක දී ගාල්ල දිස්ත්‍රික්කයට හානි සිදුවීම වැළැක්වීම සඳහා ගතයුතු ක්‍රියාමාර්ග පිළිබඳ සාකච්ඡා කිරිමේ දී ය.