(ප්‍රසන්න පද්මසිරි)

වසර 80,000 පෙර මෙරට ඇති වූ උල්කාපාත වාර්ෂාවකින්  මියගිය බවට සැක කරන ශ්‍රී ලංකාවේ ජිවත් වූ රයිනෝසිරස් රංචුවකගේ හිසි කබල් ඇතුළු අස්ථි කොටස් මඩොල්සිම හා රිලාඋළු කඳු පාමුල ලුණුගල වෙල්යායක අඩි 80ක් යට මැණික් පතලක මිහිදන්ව තිබෙන බව පුරා විද්‍යා පශ්චාත් උපාධි ආයතනයේ සත්ත්ව විශේෂඥ කැලුම් නලින්ද මනමේන්ද්‍ර ආරච්චි මහතා පවසයි.

1996 වසරේදී  පතල්කරුවන්ට විශාල සත්ත්ව හිස් කබල් සහිතව හමුවූ පොසිල පිළිබඳ විද්‍යාඥයන් සිදු කළ පරික්ෂණයකින් පසු ඒවා ප්ලයසිටෝනසීන යුගයේ ජීවත් වූ රයිනෝසිරස්  රංචුවකගේ හිස් කබල් ඇතුළු අස්ථි කොටස් බවට හඳුනාගෙන තිබේ.මෙවැනි පෞරාණික වටිනාකමක් ඇති සත්ත්ව කොට්ඨාසයක තොරතුරු හමුවී වසර 26ක් ගෙවි ගියත් ඒවා සියල්ල ගොඩට ගැනිමට අදාල ආයතන මෙතෙක් ඉදිරිපත් නොවූ බව ප්‍රාදේශවාසීහු කියති.