(නිමල කොඩිතුවක්කු)

රටේ පාලනය ආණ්ඩුවෙන් ගිලිහී යමින් පවතින බැවින් වහාම මැතිවරණයක් පවත්වා ජනමතය උරගා බලන ලෙස ආණ්ඩුවට අභියෝග කරන   බව සමගි ජනබලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා කොළඹදී අද (07) පැවසීය.

පළාත් සභා මැතිවරණය හෝ පවත්වා ආණ්ඩුවට ඇති ජන වරම පිලිබඳ විමසා බලන ලෙසත් ඒ සඳහා  අවශ්‍ය සංශෝධන වෙනුවෙන්  සහයෝගය දීමට   සමගි ජනබලවේගය කටයුතු කරන බවත්  මහලේකම්වරයා සඳහන් කළේය.
කොළඹ විපක්ෂනායක කාර්යාලයේ පැවති මාධ්‍ය හමුවකට එක්වෙමින්  ඔහු පැවසීය.

ජනතාව ආණ්ඩුවක් පත් කරන්නේ රටක් පාලනය කිරීමට වුවත් රටේ බල ශක්තිය ඇමරිකාවත් ඉන්ධන  මිල ඉන්දියාවත් ආදී වශයෙන් පාලනය කරමින්  ආණ්ඩුවේ පාලනයක් නැති රටක් විදියට රට පතව ඇති බවත් මහලේකම්වරයා ප්‍රකාශ කළේය.