පොළොන්නරුවේ ස්ථාන නවයකින් වැලි නිකුත් කිරීම අද (22) සිට දින නියමයක් නොමැතිව කල් දැමීමෙන් තමන් දැඩි අපහසුතාවයට පත්ව ඇතැයි වැලි ප්‍රවාහන ටිපර් රථ හිමියෝ කියති.

ස්ථාන දෙකකදී බදාදා (21) රාත්‍රියේ කඩාකප්පල්කාරී පිරිසක් ගල් මුල් ප්‍රහාර එල්ල කර ඇතැයි ද මනම්පිටිය ජී.එස්.එම්.බී තාක්ෂණික සේවා සමාගමේ ව්‍යාපෘති කළමනාකාර තරිඳු වික්‍රමනායක මහතාගේ රියටද හානි සිදුවී ඇතැයි කියති. එම සමාගම මහවැලි හා පරිසර අමාත්‍යංශය යටතේ පිහිටුවා ඇත. සමාගමේ සේවකයන්ගේ ආරක්ෂාව පිළිබඳ ප්‍රශ්නයක් මතුවී ඇතැයි ද පැවසේ.

වැලිකන්ද , මනම්පිටිය, අරලගංවිල, ලංකාපුර ඇතුළු ස්ථාන නවයකින් වැලි නිකුත් කිරීම කල් දමා ඇති අතර වික්‍රමනායක මහතාගේ පැමිණිල්ල අනුව සැකකරුවන් අත්අඩංගුවට ගැනීමට පොලිස් කණ්ඩායමක් යොදවා ඇතැයි පොළොන්නරු පොලිසිය කියයි.

වැලි නිකුත් නොකිරීමත් සමග සේවකයෝ 400ක් පමණ පීඩාවට පත්ව සිටිති.

unnamed-(1) unnamed-(2) unnamed