හම්බන්තොට වරාය ගොඩනගා ගැනිම ඉතා බැරැරුම් කාර්යයක් බවත් දෙවන අදියරේ වරාය සෑදිමට ඩොලර් බිලියන 1.2 වැය කර ඇති බවත් චීන රජය සමග එය පියවන ආකාරය ගැන සාකච්ඡා කරමින් යන බවත් වරාය හා නාවික අමාත්‍ය අර්ජුන රණතුංග මහතා තිබ්බටුවාවේ ශ්‍රි සිද්ධාර්ථ සුමංගල මල්වතු පාර්ශවයේ මහනායක හිමියන් බැහැ දැකීමට පැමිණි අවස්ථාවේදී පැවසීය.

ජනපති  හා අගමැති කළ විදෙස් සංචාරයේදි ආයෝජකයන් ඉදිරිපත් විම හරහා වරාය දියුණු කළ හැකි බවත් චීන රජයෙන් හම්බන්තොට කර්මාන්ත පුරයක් ඇති කිරිමට ඉල්ලා ඇති බවත් කී ඇමැතිවරයා ආයෝජකයින් ගේ කර්මාන්ත ගැන සොයා බලා  අගමැතිතුමාගේ මුලිකත්වයෙන් ඇති ආර්ථික උපදේශක කමිටුව මගින් සාකච්ඡා කර සියලුම තීරණ ගන්නා බව ද කීවේය.

අමාත්‍යවරයා වරකාගොඩ ඥානරතන අස්ගිරි මහනාහිමියන්ද බැහැ දැකීමට ගියේය.

එහිදී මාධ්‍ය හමුවේ ඇමැතිවරයා කියා සිටියේ ‘වරාය කියන්නේ හොරකම මුලිකව තියෙන තැනක්. ජනපතිතුමා හා අගමැති මට වරාය භාර දුන්නේ එහි හොරකම නැති කරල සුද්ද කරන්න.හොරකම නවත්තනකොට ඒවයින යැපුන දායකත්වය දුන්නු අය ප්‍රශ්න ඇති කරනවා. ඒක මට වෙච්ච දෙයක් නෙමෙයි හැම ඇමැති කෙනකුටම වුණා. අපි තීරණයක් අරන් තියෙනව මොන දේ වුණත් හොරකම නවත්තනවා. සේවකයන්ගෙ කිසිම දෙයක් කප්පාදු කරන්නෙ නෑ‘ යනුවෙනි.

vlcsnap-2016-04-28-05h29m43s91