(යොහාන් භාසුර)

නීතිවිරෝධී ලෙස මුහුදු මාර්ගයෙන් රැගෙන ආ වියළි කජු කිලෝග්‍රෑම් 50 ක් සහ වියළි ඉඟුරු කිලෝග්‍රෑම් 205ක් සමඟ සැකකරුවන් දෙදෙනෙක් සහ ත්‍රීරෝද රථයක් භාරයට ගත් බව ශ්‍රී ලංකා නාවික හමුදාව පවසයි.

කන්කසන්තුරය, අවල්සන්දි වෙරළ ප්‍රදේශයේ කළ විශේෂ සෝදිසි මෙහෙයුමකදී එම වෙරළ ප්‍රදේශයේ ඔස්සේ ගමන් ගත් ත්‍රීරෝද රථයක් තුළ මෙම තොගය සොයාගත් බවත් උතුරු නාවික විධානයේ ශ්‍රී ලංකා නාවික නෞකා උත්තර ආයතනය මෙම මෙහෙයුම ක්‍රියාත්මක කළ බවත් නාවික හමුදාව කීය.

එම ත්‍රීරෝද රථයේ තිබී නීතිවිරෝධී ලෙස මුහුදු මාර්ගයෙන් මෙරටට රැගෙන ආ බවට සැක කෙරෙන පාර්සල් 50 ක අසුරන ලද වියළි කජු කිලෝ 50 යි ග්‍රෑම් 05 ක තොගයක් සහ උර පහක අසුරන ලද වියළි ඉඟුරු කිලෝ 205 යි ග්‍රෑම් 75 ක තොගයක් සමඟ සැකකරුවන් දෙදෙනා සහ  ත්‍රීරෝද රථය භාරයට ගත් බවත් සැකකරුවන් වයස අවුරුදු 34 ක් සහ 47 ක්  වන මල්ලාකම් සහ පුත්තලම යන ප්‍රදේශයන්හි පදිංචිකරුවන් බවට හඳුනාගෙන සැකකරුවන්, වියළි කජු තොගය, වියළි ඉඟුරු තොගය සහ ත්‍රීරෝද රථය ඉදිරි නීතිමය කටයුතු සඳහා කන්කසන්තුරය පොලිසිය වෙත භාරදුන් බවත් නාවික හමුදාව වැඩි දුරටත් සඳහන් කළේය.