විභාග මධ්‍යස්ථන තෙමහල් ගොඩනැගිල්ලෙන් සිසුවියක් වැටිලා

(බිමල් ශ්‍යාමන් ජයසිංහ)

මෙවර උසස් පෙළ විභාගයට පෙනී සිටි බම්බලපිටිය කාන්තා විද්‍යාලයක සිසුවියක අද දහවල් විද්‍යාලයේ තෙමහල් ගොඩනැගිල්ලකින් පහළට වැටීමෙන් බරපතල තුවාල ලබා රෝහල් ගත කර ඇතැයි බම්බලපිටිය පොලිසිය කියයි.

එම අනතුරින් ඇයගේ පාද දෙකට තුවාල සිදුවී ඇයගේ දිවි බේරීම ආශ්චර්යයක් යැයි ඇසින් දුටුවන් පවසා ඇත.

එම සිසුවිය මෙවර උසස් පෙළ විභාගයට දෙවන වරපෙනී සිටින තැනැත්තියක බව අනාවරණය වී ඇත.

ජීව විද්‍යා ප්‍රශ්න පත්‍රය ලබාදීමට විනාඩි පහළොවකට පමණ පෙරදී මෙම අනතුර සිදුව ඇතැයි පොලිසිය කියයි.

පහළට වැටුණු සිසුවිය පතිත වී ඇත්තේ කාපට් අතුරන ලද මාර්ගයකට බව එම ආරංචි මාර්ග සඳහන් කරයි.

ඇය විභාගයට පෙනී සිටීමට යම් බියකින් පසු වීම නිසා ඉහළ මහළයෙන් පැන්නේ දැයි පොලිසිය සැකකරයි.

බරපතල තුවාල ලද 19 හැවිරිදි සිසුවිය මොරටුව පදිංචිකාරියකි.

අදහස් (5)

විභාග මධ්‍යස්ථන තෙමහල් ගොඩනැගිල්ලෙන් සිසුවියක් වැටිලා

tissa Tuesday, 11 November 2025 05:45 PM

මේ තමා අද උසස් පෙළ දරුවන් "විභාග පීඩනය" නිසා විඳින දුක.

: 0 0

පන්සිළු Tuesday, 11 November 2025 07:13 PM

ලංකාවේ උසස් පෙළ මාරාන්ත්කයි. එය ළමයාගේ මුළු ජීවිතයම වෙනස් කරනවා. නමුත් දෙමාපියන් දරුවන්ට අනවශ්‍ය ලෙස පීඩනය නොදිය යුතුයි. ලොව ජය ගන්නේ උසස්පෙළ සමතුන් පමණක් නොවේ.

: 0 0

vis8 Wednesday, 12 November 2025 07:19 AM

ලංකාවේ පමණක් නොව දියුණු රට වල පවා දැන් පවතින තත්වය නම් කෙසේ හෝ ඉහලම විධියට ඉගෙනගන්න ලමියිනට බල කිරීම. මෙය දෙමාපියන්ගේ බලාපොරොත්තු ඉටු කරගැනීමට මුල්වූ දෙයකි.මෙවැනි මානසික පීඩන සමහර මුර්දු සිත් ඇති ලමියින්ට ධරාගන්න බැහැ. අනිත් අයගේ ලමියින්ව සංසන්දනය කරගෙන තමන්ගේම දරුවන්ට අපමණ අසාධාරණයෙන් සලකන ආත්මාර්ථකාමී රෝගයක් දැන් ලොව තුරා පැතිරෙමින් පවතිනවා. තමන්ගේ ළමයාගේ හැකියාවන් හඳුනාගෙන ඒවා දියුණු කිරීමට දැන් ස්ටෙම් අධ්‍යාපනය මගින් පුළුවන් .... මේ ගැන සිතීමට කාලය එලබී ඇත.

: 0 5

Bunny Preena Wednesday, 12 November 2025 09:15 AM

කිසිම හිතක් පපුවක් නැති සමහර මෝඩ දෙමාපියෝ “ A එකක් ගන්න බලපන් ", යනුවෙන් කරන දැඩි මානසික පීඩන වලට මුහුණ දෙන්න බැරි නිසා ඒ අහිංසක දරුවා දිවි නසා ගන්න අදහසින් පැන්නා වත්ද ?

: 1 5

නාමල් Wednesday, 12 November 2025 07:38 PM

මේ අර මීට කලින් දිවිනසාගත්තු කොටහේනේ දැරිය ගිය ඉස්කෝලේමද?

: 0 0