පසුගිය සමයේ ස්වභාවික විපත් නිසා මුළුමනින්ම විනාශ වූ නිවාස වල හිමිකරුවන් මෙතෙක් ගෙවීමට තිබූ විදුලි බිල්පත් ඔවුන්ගෙන් අය කර නොගැනීමටත් ආපදාවලට ලක්වූ නිවාස වල හිමිකරුවන්ට මැයි හා ජූනි මාස වල විදුලි බිල්පත් ගෙවීම සඳහා ජූලි මස සිට බලපැවැත්වෙන මාස දෙකක කාලසීමාවක් ලබාදීමටත් විදුලි බල හා පුනර්ජනනීය බලශක්ති අමාත්‍යංශය තීරණය කර ඇත.

විෂය භාර අමාත්‍ය රංජිත් සියඹලාපිටිය මහතාගේ අදහසක් ගෙන ඇති මෙම තීරණය යටතේ විනාශයට පත්වූ නිසාව වලට නැවත විදුලි සබඳතාවය ලබාදීම, තාවකාලික රැඳවුම් කඳවුරු වලට මාස හයක කාලසීමාවකට නොමිලේ විදුලිය ලබාදීම, මැයි සහ ජූනි විදුලි බිල්පත් ජූලි මස සිට මාස හයක කාලයක් ඇතුළත වාරික හයකට බෙදා ගෙවීමට ආපදාවන්ට ලක්වූ කුඩා ව්‍යාපාරිකයින්ට අවස්ථාව ලබාදීම, ආදී ලෙස සහන රැසක් ලබාදීමටද නියමිතය.