(රංජන් කස්තුරි)

විදුලිය කප්පාදු කිරීම සම්බන්ධයෙන් ශ්‍රී ලංකා මහජන උපයෝගීතා කොමිෂන්  සභාව සහ ලංවීම ඉංජිනේරු සංගමය අතර මත ගැටුමක් නිර්මාණය වී තිබේ.

මහජන උපයෝගිතා කොමිෂමේ සභාපති ජනක රත්නායක මහතා සඳහන් කරන්නේ ඉදිරි මාස තුනක කාලය ඇතුළත කිසිසේත් විදුලිය කප්පාදුවකට ඉඩ නොතබන බවය.

එහෙත් ලංවීම ඉංජිනේරු සංගමය සඳහන් කරන්නේ ක්‍රමවත්  ලෙස ඉන්ධන නොලැබීම හා ජලාශවල ජල මට්ටම සීඝ්‍රයෙන් පහත බැසීම නිසා විදුලි කප්පාදුවක් හැර වෙනත් විකල්පයක් නැති බවය.