තවත් ලාංකික කතක්  කුසට අහරක් නොමැතිව ඉතා අසාධ්‍ය තත්වයෙන් රෝහල් ගත කර ඇති බව සෞදි අරාබියේ කමිස්මුසායිඩ් අබා කඳුකරයෙන්  වාර්තා විය

අසීර් රෝහලේ හතරවන මහලේ හත්වැනි වාට්ටුවේ ප්‍රතිකාර ලබමින් සිටින්නේ මහනුවර උඩුවෙල හන්තාන පාරේ දෙදරු මවක් වන ෂෙරින් ලියෝනි කැතරිනා (45)  ඇයයි.

එහි සිටින ලාංකික කාන්තාවක් වන මේනකා මහත්මිය ප්‍රකාශ කළේ  එම නිවසේ හිමිකාරයන් විසින් මෙම කාන්තාවගෙන්  අධික ලෙස වැඩ ගත් නමුත් රොටි(කුබුස්) කැබැල්ලක් හැරෙන්නට වෙන කිසිදු ආහරක් දී නැති බවයි.

නිරාහාරව සිටිමින් අධික ලෙස වැඩ ගත් කිරීමේ හේතු මත සහ වෙහෙසට පත් වී කාරීව ඉතා දුර්වලව රෝහල් ගත කර ඇති පවසන අතරම උදරයේ ඇති වූ ආසාදනයක් මත  වෛද්‍යවරුන් පරීක්ෂා කිරීමේදී හෙළි වී ඇත්තේ උදරයේ මිදිගෙඩි තරම්වූ ගෙඩි විශාල ප්‍රමාණයක් ඇති බවයි.

 මේ වනවිට එම ගෙඩි ශල්‍යකර්ම මගින් ඉවත් කිරීමට පියවර ගෙන ඇතිබවත් තවමත් මෙම කාන්තාවට ඇදෙන් බැසීමට හෝ නොහැකි බවත් අතර ආහාර පාන එම රෝහලේ සේවය කරන ලාංකික කතුන් ඇයට කවමින් පොවමින් සිටින බවත් කියති.

මෙම කාන්තාව හා ජංගම දුරකතනයෙන් ප්‍රකාශ කළේ  තමාට නිවාස කිහිපයකම වැඩ කිරීමට සිදු වු බවයි.  එම නිවෙස් වල  ඉතිරිවන කෑම බීම කුණුබක්කියට විසිකරන නමුත් කෑමට රොටි කැබැල්ලක් හැරෙන්නට කිසිවක් නොදෙන බවද ඇය කීවාය.

 අධික ලෙස වැඩ කිරීමෙන් වෙහෙසට වත්වී සිටින සිටින නිසා  කෙළින් හිටගැනීමට හෝ තමාට බැරි බවත් ඇය පවසන්නීය. මාගේ ජංගම දුරකථනය ගෙහිමි කාන්තාව විසින් ළග.ගෙදරට කොල් කරන්නත් බෑ. ඇය පවසන්නේ කුමන හෝ ක්‍රමයකින් මගේ නිවසට මා පිළිබදව දැනුම්දී මා ලංකාවට ගෙන්වා ගැනීමට පියවර ගන්නා ලෙසය.

මෙම කාන්තාව මුහුණදී ඇති බැරෑරුම් තත්ත්වය පිළිබඳව එහි සිටින නිමල් එඩේරමුල්ල මහතාගෙන් විමසීමේදී ඔහු කියා සිටියේ ඉතා දුර්වල ශාරීරික තත්වයේ පසුවන මෙම කාන්තාව පිළිබද ජෙඩා කොන්සියුලර් කාර්යාලයේ කම්කරු නිලධාරි මලික් මහතා අදාළ හාම්පුතා ගෙන්වා විමසීමේදී ඔහු පවසා ඇත්තේ හිග වැටුප් ලබාදී ලංකාවට පිටත් කර යවන බවට පොරොන්දු වූ බවයි. එසේ වුවද ගෙහිමි කාන්තාව අද දුරකථන මගින් පවසා ඇත්තේ විශාල මුදලක් වැය කර ගෙන්වා ඇති නිසා තවදුරටත් තම නිවසේ කාලයක් වැඩ කිරීමට ඇයට සිදුවන බවකි.

DSC01580