(නිමන්ති රණසිංහ)

 

එල්. ටී. ටී. ඊ. සංවිධානය නැවත ගෙන ආ යුතු බවට කාන්තා සහ ළමා කටයුතු හිටපු රාජ්‍ය ඇමැතිනී විජයකලා මහේෂ්වරන් මහත්මිය කළ ප‍්‍රකාශය සම්බන්ධයෙන් එම රාජ්‍ය උත්සවයට සහභාගී වූ පාර්ලිමේන්තු මන්ති‍්‍රවරුන්ගෙන් සහ ඇමැතිවරුන්ගෙන් ප‍්‍රකාශ ලබා ගැනීම සඳහා කතානායකවරයාගෙන් අනුමැතිය ඉල්ලා ලිපියක් යොමු කර ඇතැයි අපරාධ නිවාරණ කොට්ඨාස කොළඹ ප‍්‍රධාන මහේස්ත‍්‍රාත් රංග දිසානායක මහතා ඉදිරියේ කරුණු අනාවරණය කළේය.

 

එසේම, මෙම සිද්ධියට අදාළව තම කොට්ඨාසයේ අධ්‍යක්ෂවරයා විසින් පොලිස්පතිවරයා වෙත කරන ලද ලිඛිත ඉල්ලීමකට අනුව පොලිස්පතිවරයා විසින් නිතිපතිවරයා වෙත ලිපියක් යොමු කරමින් නිතිපති නියෝජනයක් ලබාදෙන ලෙසට කළ ඉල්ලීමට මෙතෙක් ප‍්‍රතිචාර ලැබී නැතැයි ද මෙහිදී අපරාධ නිවාරණ කොට්ඨාසය අධිකරණයට දැනුම් දුන්නේය.