(බිමල් ශ්‍යාමන් ජයසිංහ)

හිටපු පොලිස්පති සි. ඩි. වික්‍රමරත්න මහතා වෙනුවෙන් පූර්ණ පොලිස් ගෞරවාචාර සහිතව අවසන් කටයුතු එළඹෙන 20 වැනි සඳුදා බොරැල්ල කනත්තේදී සිදු කරන බව පොලිස් මාධ්‍ය ප්‍රකාශක සහකාර පොලිස් අධිකාරී එෆ්. යු. වුට්ලර් මහතා පැවසීය.

හිටපු පොලිස්පතිවරයා මාලඹේ තලා හෙන පරාක්‍රම මාවතේ නිවසේ සිටියදී ඉකුත් 17 වෙනිදින වෙඩි වැදීමෙන් මියගොස් තිබිණි.

පොලිස් ආචාර ධර්ම අනුව සීය දිවි නසා ගැනීම්වලදී කිසිදු පොලිස් නිලධාරියකුට පොලිස් උත්තමාචාර හිමි නොවන බව උසස් පොලිස් නිලධාරියෙක් කීය.

ඔහුගේ මරණය සම්බන්ධයෙන් පොලිස් කණ්ඩායම් දෙකක් විමර්ශන පවත්වන බවත් අවසන් පශ්චාත් මරණ පරීක්ෂණ වාර්තාව මෙතෙක් ලැබී නැතැයිද මාධ්‍ය ප්‍රකාශකවරයා කීය.

සි ඩි වික්‍රමරත්න මහතා මෙරට 35 වෙනි පොලිස්පතිවරයායි.