ලිට්‍රෝ ගෑස් මිල වෙනස් නොවේ

(යොහාන් භාසුර)

ලිට්‍රෝ ගෘහස්ථ ගෑස් මිල මෙම මස (මැයි) සංශෝධනය නොකරන බව ලිට්‍රෝ ගෑස් සමාගමේ සභාපති චන්න ගුණවර්ධන මහතා පැවසීය.

ජාත්‍යන්තර වෙළෙඳපොලේ ගෑස් මිල ඉහළ යෑම සහ විනිමය අනුපාතවල පවතින අභියෝගාත්මක තත්වය හමුවේ වුවද පාරිභෝගික ජනතාව වෙත සහන සැළසීමේ අරමුණින් මෙම මස ලිට්‍රෝ ගෘහස්ථ ගෑස් මිල වැඩි නොකිරීමට තීරණය කළ බව සභාපතිවරයා සඳහන් කළේය.

ඒ අනුව කිලෝග්‍රෑම් 12 ගෑස් සිලින්ඩරයක් මිල රුපියල් 4,765 ක, කිලෝග්‍රෑම් 5 ගෑස් සිලින්ඩරයක් මිල රුපියල් 1,910 ක සහ කිලෝග්‍රෑම් 2.3 ගෑස් සිලින්ඩරයක් මිල රුපියල් 890 ක තව දුරටත් පවතින බව ද චන්න ගුණවර්ධන මහතා වැඩි දුරටත් කීය.