දස වසරකට පෙර ඕස්ට්‍රේලියාවේ මෙල්බන්හි සිදුවූ ඝාතන දෙකක අභිරහස හෙළි කර ගැනීමට උදව් විය හැකි ශ්‍රී ලාංකිකයකු ගැන තොරතුරක් දෙක කෙනෙකුට ඕස්ට්‍රේලියා ඩොලර් දෙලක්ෂයක් හෙවත් රුපියල් දෙකෝටි හැට හය ලක්ෂයක තෑග්ගක් දීමට පොලීසිය සැරසෙයි.

හංගේරියා සංක්‍රමණිකයකු හා ඔහුගේ තායි හිතවතිය 2003 ඔක්තෝබරයේදී ගොවිපළකදී මරා දැමීයැයි කියන සිද්ධිය සම්බන්ධයෙන් පොලීසිය ප්‍රශ්න කිරීමට සොයන නිහාල් යෝර්ක් නම් ශ්‍රී ලාංකිකයා පසුගිය අවුරුදු තුනේම සොයා ගැනීමට ගත් උත්සාහය අසාර්ථක වූ බව පොලීසිය කියයි.

ස්තීව් ගුල්යාස් නම් හංගේරියා ජාතිකයා හා ඔහු සමග දස වසරක් ජීවත් වූ ටීනාගේ හිසට වෙඩි තුන බැගින් තබා මරා දමා තිබිණි. තායි කතක සමග වැඩ කළ නොන්තාචිත් කියා ඇත්තේ මිනිසකු එම ගොවිපළේ සිටිනු දුටු බවයි.

මෙල්බර්න්හි පාතාලය හෝ ගණිකා වෘත්තිය නිසා මේ දෙදෙනා මරා දමන්නට ඇතැයි මුලදී සිතුවත් ඒ කරුණු දෙකම ඝාතනයෙන් බැහැර කරන බව රහස් පොලිස් පරීක්ෂක ජෝන් පොටර්, ෆෙයාර් ෆැක්ස් මීඩියා ආයතනයට කියා ඇත.

මේ ඝාතනයේ කිසියම් සම්බන්ධයක් ඇති පුද්ගලයා වශයෙන් යෝර්ක් සලකන බව රහස් පරීෂක පොටර් පවසයි.