(යොහාන් භාසුර)

රට තුළ ඉදිරි දින කිහිපයේදී ඉන්ධන හිඟයක් ඇතිවීමේ අවදානමක් ඇති බවත් ඛනිජ තෙල් සංස්ථාවේ මූල්‍ය අංශයේ උසස් නිලධාරියකුගේ ප්‍රායෝගික නොවන තීරණයක් මෙයට හේතු වී ඇති බවත් ඛනිජ තෙල් බෙදුම් කරුවන්ගේ සංගමය උසස් නිළධාරියෙක් පැවසීය.

ලංකා ඛනිජ තෙල් සංස්ථාවේ අලෙවි කළමනාකරු සහ ප්‍රාදේශීය කළමනාකරුවන් චෙක්පත්වලට ඉන්ධන ඇණවුම් ලබාදෙන බවට පවසා තිබියදී එහි මූල්‍ය අංශය ප්‍රධානියකු මුදල්වලට පමණක් ඉන්ධන ඇණවුම් ලබා දෙන බවට ප්‍රකාශ කිරීම හේතුවෙන් මෙම තත්ත්වය උද්ගත වී ඇති බවත් මේ හේතුවෙන් ඉන්ධන පිරවුම්හල් රැසකට ඇණවුම් ලබා ගැනීමට නොහැකි වී ඇති බවත් එම උසස් නිලධාරියා කීය.

පෝය දිනය වන අද දිනයේ බැංකුව වසා තැබීම හේතුවෙන් මුදල් ලබා ගැනීමේ අපහසුතාවයක් ඇති බව කී එම උසස් නිලධාරියා ඉන්ධන කෝටාව වැඩි කර තිබීම හේතුවෙන් ජනතාව අඛණ්ඩව ඉන්ධන ලබාගැනීමට පැමිණෙන බවද වැඩිදුරටත් සඳහන් කළේය.