(කාංචන කුමාර ආරියදාස)

දේශීය ලොකු ලූණු ගොවියාගේ අස්වනු සඳහා මිලක් ලබාදීමට රජය ආනයනික ලොකු ලූනු සඳහා රුපියල් විස්සක බද්ධක් පැන වුව ද එහි වාසිය ගොවියාට ලැබී නැතැයි මාතලේ දිස්ත්‍රික් ලොකු ලූනු ගොවීහු චෝදනා කරති.

ආනයනික ලූනු වැඩි කිරීමේ සම්පූර්ණ වාසිය ලූනු තොග රැස් කරගෙන ඇති අතර මැදි ව්‍යාපාරිකයන්ට සහ විදේශීය රටවලින් ලොකු ලූණු ගෙන්වන ව්‍යාපාරිකයන්ට ලැබී ඇතැයි මාතලේ දිස්ත්‍රික්ක ලොකු ලුණු ගොවීහු චෝදනා කරති. 

දේශීය ගොවීන්ට සහනයක් බලාපොරොත්තුවෙන් රජය විදේශ රටවලින් ගෙන්වන ලොකු ලූනු කිලෝවක් සඳහා රුපියල් විස්සක විශේෂ බද්දක් පනවන ලදී ,

මෙම බදු මුදල පැනවීමට පෙර ලොකු ලුනු කිලෝවක විකුණුම් මිල රුපියල් 180 - 230 බව ගොවීන් පෙන්වා දෙති.

එහෙත් බදු මුදල පැනවීමක් සිදුකළ ද දේශීය ලොකු ලුණු මිලෙහි කිසිදු වෙනසක් මේ වන තුරුත් සිදු වී නොමැති අතර වීදේශ රටවලින් ලොකු ලූණු ගෙන්වා ගබඩා කරගෙන සිටි ව්‍යාපාරිකයන්ට එහි සම්පූර්ණ වාසිය හිමිවී තිබෙන බවත් පෙන්වා ගොවීහු පෙන්වා දෙති.

දේශීය ලොකු ලුණු ගොවීන් කියා සිටින්නේ මේ වන විට දේශීය ලොකු ලුණූ ගොවීන් ළඟ ඇත්තේ ඉතා සීමිත ප්‍රමාණයක් බවය, අනෙක් සියලු ලොකු ලූනු අඩු මිල ගණන් යටතේ අතරමැදි ව්‍යාපාරිකයන් ලබාගෙන ඒවා ගබඩාකොට බදු මුදල පැනවීමත් සමඟ ඔවුන් ඉහළ මිලකට අලෙවි කිරීමේ ජාවාරම මෙම කන්නයේද සුපුරුදු ලෙස ක්‍රියාත්මක කරගත් දෙයක් බවය.

මෙවර ද නව රජය සිදු කළේද පැරැණි ක්‍රමවේදය හරහා අතරමැදි ව්‍යාපාරිකයන්ගේ අවශ්‍යතාවයක් ඉටුකර දීම පමණක් බව ගලේවෙල ප්‍රදේශයේ දේශීය ලොකු ලූණු මහා පරිමාණයෙන් වගා කරන එස්. ඒ. රතනපාල මහතා චෝදනා කළේය.