දෙමළ ජාතික සංවිධානයේ යාපනය දිස්ති‍්‍රක් පාර්ලිමේන්තු මන්තී‍්‍ර නඩරාජා රවිරාජ් සහ ඔහුගේ ආරක්‍ෂක නිලධාරි පොලිස් සැරයන් ලක්‍ෂමන් ලොකුවැල්ල යන දෙදෙනා 2006 වසරේදී වෙඩිතබා ඝාතනය කරනු ලැබීමේ සිද්ධිය සම්බන්ධයෙන් නාවික හමුදවේ ලූතිනන් කමාන්ඩර්වරු  දෙදෙනෙක් සහ භටයෙක් රහස් පොලිසිය විසින් අත්අඩංගුවට ගනුලැබ සිටිති.

මේ තිදෙනා අතුරින් එක් නාවික හමුදා නිලධාරියකු සහ නාවිකභටයා මේ වනවිට නාවික හමුදා සේවයෙන් ඉවත්වී ඇති අතර අනික් නිලධාරියා තවමත් නාවික හමුදාවේ සේවයේ යෙදී සිටින බව පොලිස් මාධ්‍ය ප‍්‍රකාශක සහකාර පොලිස් අධිකාරි රුවන් ගුණසේකර මහතා කීය.

රහස් පොලිසියෙන් කර තිබූ දැනුම් දීමක් අනුව මීට දින කීපයකට ඉහතදී රහස් පොලිස් මුලස්ථානය මත පැමිණි අවස්ථාවේදී අත්අඩංගුවට ගනු ලැබූ බවද ගුණසේකර නිගමනය කළේය.

 පාර්ලිමේන්තු මන්තී‍්‍ර නඩරාජා රවිරාජ් මහතා සහ ඔහුගේ ආරක්‍ෂක නිලධාරි ලක්‍ෂමන් ලොකුවැල්ල මහතා වෙඩි තබා ඝාතනය කරනු ලැබුවේ 2006 නොවැම්බර් 10 වැනිදාය.

නාරාහේන්පිට මැනිං ටවුන්හි පදිංචිව සිටි රවිරාජ් මහතා එදින උදේ සිටි ආරක්‍ෂක නිලධාරියාවද සමග මෝටර් රථයෙන් කාර්යාලය බලා යමින් සිටියදී නාරාහේන්පිට මාතා පාරේදී යතුරුපැදියකින් පැමිණි තුවක්කුකරුවන් දෙදෙනකු ටී 56 ගිනිඅවිලින් සිදුකළ වෙඩි තැබීමකින් දෙදෙනාම මරුමුවට පත්වූහ.

මෙම සිද්ධිය පසුපස නාවික හමුදාවේ ප‍්‍රබලයකු සිටින බවට එවකට චෝදනා එල්ල වී තිබිණි.

සිද්ධියෙන් වසර 7ක්ම ඉක්ම ගොස් තිබුණද සැකකරුවන් සම්බන්ධයෙන් තොරතුරු අනාවරණයවී නොතිබිණි.

කෙසේ වෙතත් නව රජය බලයට පත්වීමත් සමග ඝාතන සිද්ධීන් රැුසක් පිළිබඳ පරීක්‍ෂණ කටයුතු යළි ආරම්භ කෙරුණු අතර මහජන සාමය, ආපදා කළමනාකරණ හා කි‍්‍රස්තියානු කටයුතු  අමාත්‍ය ජෝන් අමරතුංග මහතා මෙම ඝාතනය සම්බන්ධයෙන් නැවත පරීක්‍ෂණය පවත්වන පොලිස්පති එන්.කේ. ඉලංගකෝන් මහතා වෙත ලබාදුන් උපදෙස් අනුව ඒ පිළිබඳ පරික්‍ෂණ පසුගිය ජනවාරි අග භාගයේදී අපරාධ පරීක්‍ෂණ දෙපාර්තමේන්තුවට පවරන ලදි.

අත්අඩංගුවට ගත් තිදෙනා රැුඳවුම් නියෝග යටතේ  රඳවාගෙන ප‍්‍රශ්න කරගෙන යනු ලැබේ.