(ඉන්දිකා රාමනායක)

2023 වසරේ මේ දක්වා දිවයිනපුරා සිදු වු මාරක රිය අනතුරුවලින් පුද්ගලයන් 564  දෙනෙකු මියගොස් ඇති බව පොලිස් මාධ්‍ය ප්‍රකාශක  ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පවසයි.

ජනවාරි මස 01 දින සිට  අප්‍රේල් 09 දක්වා කාලය තුළ සිදු වු මාරක රිය අනතුරු 534 න් මෙම පිරිස මියගොස් ඇති බවද හෙතෙම පැවසීය.

මෙම අනතුරු වලින් ඉහත පිරිස මියයාමට අමතරව 1345  දෙනෙකු  බරපතල  තුවාල ලබා ඇති බවත්, තවත් 2446  දෙනකු   සුළු තුවාල ලබා ඇති බවත්  පොලිස් මධ්‍ය ප්‍රකාශකවරයා කීය.

ගත වු  දින 5 ක කාලය තුළ පමණක් සිදු වු මාරක රිය අනතුරු 21 න්  පුද්ගලයන් 25 දෙනෙකු මියගොස් සිටි බවද හෙතෙම කීය.

රිය අනතුරු වලින් සිදු වු මරණ සම්බන්ධයෙන් සිදුකළ විමර්ශයේ දී රිය අනතුරු වලින් දිනකට  පුද්ගලයන් 10-5 අතර  පිරිසක් මිය යන බවද හෙතෙම කියා සිටියේය.

මෙය ඉතාමත් අවසනාවන්ත තත්ත්වයක් බවද පොලිස් මාධ්‍ය ප්‍රකාශකවරයා කියා සිටියේය.

බොහොයමක් අනතුරු වලින් සියයට 90 සිදුව ඇත්තේ  රියදුරාගේ සහ පදිකයාගේ නොසැලකිල්ලෙන් බවද පොලිස් මාධ්‍ය ප්‍රකාශකතවරයා කීය.

නොසැකිලිමත්කම, බීමත් කම,අධික වේගය, මාර්ග නීති උල්ලංඝනය කිරීම හා පදිකයන් නොසැලකිලිමත් කමින්   පාර හරහා ගමන් කිරීම හේතුවෙන් මෙම බොහොමයක් අනතුරු සිදුව ඇති බවද   හෙතෙම කීය.

බීමත්ව වාහන පැදවීම් , වේගයෙන්  රථ පැදවීම,  සිදු නොකළ යුතු බවත්,, වාහන පැදවීමේ  රථවාහන නීති  ආරක්ෂා කරමින් මාර්ගයේ ගමන් ගන්නා වාහන හා පදිකයන්ගේ  ආරක්ෂාව සම්බන්ධයෙන් අවදානයෙන් යුතුව කරන ලෙසට සියලු  රියදුරන්ගෙන් ඉල්ලා සිටින බවද පොලිස් මාධ්‍ය ප්‍රකාශකවරයා කියා සිටියේය.