(බිමල් ශ්‍යාමන් ජයසිංහ )

දොඩංගොඩ රේන්ද පොල ප්‍රදේශයේදී ත්‍රී  රෝදය රථයක ගැටීමෙන්    එකම පවුලේ ලාබාල වයසේ පසුවන සහෝදරියන් දෙදෙනෙකු   බරපතල තුවාල ලබා රෝහල් ගත කිරීමෙන් අනතුරුව එක් දැරියක් මියගිය බව දොඩංගොඩ පොලිසිය කියයි.

අනතුරින් මියගොස් ඇත්තේ වයස අවුරුදු නවයක දොඩංගොඩ ප්‍රදේශයේ පදිංචි දැරියකි. අවුරුදු 14 ක අනෙක් දැරිය නාගොඩ රෝහලේ ප්‍රතිකාර ලබන බව පොලිසිය කියයි.

කලුතර  මතුගම ප්‍රධාන මාර්ගයේ රේන්ද පොළ ප්‍රදේශයේදී  දැරියන් දෙදෙනා වෙළඳසැලකට යාම සඳහා මාර්ගයේ ගමන් කරමින් සිටියදී කළුතර දෙස සිට මතුගම  දෙසට ධාවනය වූ තීරෝද රථයක ඉදිරිපස ගැටීමෙන් මෙම අනතුර වී ඇති බව පොලිසිය කියයි.