(බිමල් ශ්‍යාමන් ජයසිංහ )

රත්නපුර මහ දිසාපති  පදිංචි  හොරණ මුණගම  දෙමහල් නිවසින් රුපියල් ලක්ෂ  9 කට අධික වටිනා රන් භාණ්ඩ සොරාගෙන ගොස් ඇතැයි හොරණ මූලස්ථාන පොලිසිය කියයි .

සොරාගෙන ගිය දේපළ අතර රන් මුදු 6 ක් ,පෙන්ඩන්ඩ් 2 ක් , අත් පළඳනා 1 ක්  හා කරාබු ජෝඩු 1 ක් බව පොලිසිය සඳහන් කරයි.

සොරකම සිදුවී ඇති කාලය තුළදී දිසාපතිවරයා ඇතුළු පවුලේ අය දෙමහල් නිවසේ උඩුමහලේ නින්දේ සිට ඇති බව පොලිස් විමර්ශනවලදී අනාවරණය වී ඇත.

දිසාපතිවරයාගේ බිරිඳ වන හොරණ උඩුව කනිෂ්ට විද්‍යාලයේ විදුහල්පතිනි මේ පිළිබඳව පොලිසියට පැමිණිලි කර ඇත.