(යොහාන් භාසුර)

ජනාධිපතිවරයා ලංකා මාතාව වැල්පාලමින් එගොඩ කළා යැයි පැවසීම මිථ්‍යාවක් බවත් එම වැල්පාලමෙන් ගොඩ වූයේ  ජනාධිපතිවරයා බවත්  පාර්ලිමේන්තු මන්ත්‍රී මහාචාර්ය  ජී. එල්. පීරිස් මහතා පැවසීය.

කොළඹ අද (1) පැවති මාධ්‍ය  හමුවේදී මහාචාර්ය ජී. එල්. පීරිස් මහතා මහතා එසේ පැවසීය.

පැරිස් සමාජය සමඟ අස්සන් කළ ගිවිසුම පිළිබඳව සාකච්ඡා කිරීම සඳහා හෙට සහ අනිද්දා පාර්ලිමේන්තුව රැස්වෙන බවත් එම ගිවිසුම අන්තර්ජාලයට යොමු කළ ඇතැයි පක්ෂ නායක රැස්වීමේදී ප්‍රකාශ කළත් මේ වනතෙක් එය වී නොමැති බවත් ඒ මහතා කීය.

පාර්ලිමේන්තු මන්ත්‍රීවරුන් වශයෙන් මෙවැනි ගිවිසුම් පිළිබඳව අනිවාර්යෙන් දැනගැනීමට අයිතියක් ඇති බව කී ඒ මහතා රට බංකොලොත්භාවයෙන් මිදුනා යැයි රජය කරන ප්‍රකාශ මහජනතාව රවටන  ප්‍රකාශ බව ද සඳහන් කළේය.