ලබන සතිය වන විට සම්බා සහ නාඩු සහල් මෙටි්රක් ටොන් 10,000ක් ආනයනය කර කිලෝව රුපියල් 50ත් 60ත් අතර මිලකට පාරිභෝගිකයන්ට ලබාදීමට සූදානම් බව ග්රාමීය ආර්ථික කටයුතු පිළිබඳ අමාත්ය පී. හැරිසන් මහතා පැවසීය.
රජයේ ගබඩාවල ද වී මෙටි්රක් ටොන් ලක්ෂ දෙකක් පමණ තිබෙන බව කී ඇමැතිවරයා එයින්ද මෙටි්රක් ටොන් 5,000ක් පමණ තබාගෙන ඉතිරිය ක්රමානුකූලව වෙළඳපළට නිකුත් කිරීමට බලාපොරොත්තු වන බව ද කීවේය.
කෘෂිකර්ම දෙපාර්තමේන්තුව සපයා ඇති දත්ත අනුව ගිය කන්නයේ ලැබුණු සහල් අස්වනු ලබන අප්රේල් මාසය දක්වා ප්රමාණවත් බවත් ඇතැම් සහල් මෝල් හිමියන් හා ව්යාපාරිකයින් වෙළඳපළේ සහල් හිගයක් මවා පා මිල ඉහළ දැමීමට කටයුතු කර ඇතැයි ද ඇමැතිවරයා කීවේය.
මේ අතර කෘෂිකර්ම දෙපාර්තුමේන්තුව හා සහල් නිෂ්පාදන දෙපාර්තුමේන්තු සංඛ්යා ලේඛන අනුව ලබන පෙබරවාරි අවසානය දක්වා සහල් නිෂ්පාදනය කර ඇති බවත් සහල් හිගයක් පෙන්වා එහි මිල වැඩි වීමට හේතුව රටේ කොහෙ කොහේ තැනක සහල් සගවා තිබීම බව කෘෂිකර්ම අධ්යක්ෂ ඡනරාල් ආචාර්ය රොහාන් විඡේකෝන් මහතා අද (19) පැවැසිය.
වසරකට මෙරටට අවශ්ය සහල් ප්රමානය මෙට්රික් ටොන් මිලියන 2.2 ක් බවත් යල කන්නයේ හා මහ කන්නයේ සාර්ථක වි වගාව තුලින් නිෂ්පාදනය කල සහල් ප්රමානය මෙට්රික් ටොන් මිලියන 2.7 ක් බවත් මේ නිෂ්පාදිත සහල් ප්රමානය ලබන වසරේ පෙබරවාරි අවසානය දක්වා සැහෙන බවත් අධ්යක්ෂ ඡනරාල් වරයා පවසයි.
වීඩියෝ - ඉෂංක සුනිමල්
වීඩියෝ - චමිල් රූපසිංහ
COMMENTS
Reply To:
Sisira - cb chds hcdsh cdshcsdchdhd
රොකි, ඔබ හරියටම හරි
හඳෙන් හරි හාල් ගෙනල්ලා දෙන්න බැරි අය නොවෙයි අද ඉන්නේ. හැබැයි හඳේත් කුඹුරු තියෙනවද කියලා අහන්න තරම් ලංකාවේ මිනිස්සු මෝඩ නැති බව දන්න නිසා ඕනෑ දෙයක් කියන්න (නි)
අපි මෝඩ නොවී යථාර්ථය හඳුනාගත යුතුවේ. ජපානයෙන් වාහන ලාබෙට ගෙන්නන්න පුළුවන් එකේ අඩුමිලට මේ පරිභෝගික භාණ්ඩත් වෙන රටකින් ආනයනය කිරීම කිසිම වැරැද්දක් නොමැත. (නි)
මට හොඳ අදහසක් අාවා. අපි කුඹුරු ඉඩම් ඔක්කොම ඉන්දියාවට ලියලා දෙමු. අපේ ගොවීන්ට වස බෝතල් නොමිලේ ගන්න කූපන් ටිකකුත් දෙමු. අපිට අඩුවට බත් කන්න පුළුවන් විදියක් මම කිව්වේ. (නි)
කයිය විතරයි වැඩ බෑ (බ)
අපේ රටේ හාල් පිටරටකට යවා ඉන් පසු 'ප්රොඩියුස් ඔෆ් ඉංග්ලන්ඩ්' කියලා ගෝනි වල ලේබල් ගහලා ඒ රටෙන් අායෙත් අපේ රටට ඉම්පෝට් කරමු. එතකොට දෙපැත්තෙන්ම සැප කොමිස් පාරක් ගහන්න පුළුවන්. දැනටමත් කරන්නේ ඒකද කියලා කවුද දන්නේ? ඉර හඳ උලාකාපු අයියලානේ අපේ ගැලවුම්කාරයෝ හැටියට පෙනී ඉන්නේ! (නි)
ලංකාවේ කෘෂිකර්මය අඩපණවෙලා තියෙන්නේ. මුලික හේතුව අවිධිමත් ලෙස එක එක වෙලාවට වල්නාශක කෘමිනාශක භාවිතය තහනම් කිරීම. දැන් මේ හාල් වල විස තියෙනවද නැද්ද කියලා කවුද බලන්නේ (නි)
වෙනස කොහොමද? (නි)
කියනවා වගේ නෙමෙයි නේද කරන්න ගියාම? (නි)
ඔය කියන හාල් විකුණන්න තියන තැනත් කලින්ම කිව්වා නම් හොඳයි. නැත්නම් අපිට හොයාගන්න බැරිවෙයි. (නි)
ප්රවෘත්ති සාකච්ඡා තබා තබා ඉන්නේ නැතුව මේවා වෙළඳ පලට නිකුත් කරන්න , රජයේ ගබඩා වල අප්රේල් වෙනකම් සහල් තබාගෙන ඉන්න හදන්නේ ඒවා දිරා පස් බවට පත්වුණාම කොම්පෝස්ට් පොහොර හදන්නද ? රජයේ ගබඩා වල තිබෙන්න ඒවා කඩිනමින් වෙළඳ පලට නිකුත් කර , මදි පාඩුවක් තිබෙනවා නම් පෙබරවාරි මාසයේ විතර අප්රේල් මාසයට අදාළ සහල් තොග ඇනවුම් කරන්න (බ)
මුදල් ඇමතිතුමා නම් කිවුවේ පොහොර දාලා වී වගා කරනවට වැඩිය පිටරටින් හාල් රුපියල් 35 ට ගෙනත් දෙන්න පුළුවන් කියලා. දැන් 60 වුණේ ඇයි? නරකත් නැහැ බැලුවහම. අපිට 60 වුණත් ලාබයි 90 ට ගන්නවට වැඩිය. ස්තුතියි ඇමතිතුමා. (නි)
මේ වතාවේ වත් ගෙන්නුවේ මනුස්ස ආහාරයට සුදුසු හාල්ද? කොමිස් ගැහුවේම නැද්ද?ලංකාවේ හාල් මිල පාලනය කරන ලොක්කෝ දෙන්න ඒ කිව්වේ නිපුන නයා සහ කවුරුත් දන්නා අනිත් එක්කෙනා ඕකෙනුත් වාසි ගන්න මොකක් හරි දහම් ගැටයක් ගහවි. ඇයි ගබඩා වල තියනවා කියන වී තොග කොටන්නේ නැත්තේ? පිට රට පටවන්නත් හාල් ඇති තරම් තියනවා කියල සමහරු පහු ගිය කාලේ සිංහ නාද කරනවා ඇහුන! (අ)
චීන නිෂ්පාදන ප්ලාස්ටික් සහල් තියනවා. බලාගෙනයි (නි)
2014 වාගේ මිල එකසිය ගණන් වලට ගොස් අධික ලෙස ආනයනය කර රටේ ගොඩගෑසී ඇති තොග විසිකරන්න වෙයිද දන්නෙ නැහැ (නි)