(යොහාන් භාසුර)

සියලු රජයේ සේවකයන්ගේ වැටුප රුපියල් 20,000 කින් ඉහළ දමන ලෙස ආණ්ඩුවට බලකරමින් රජයේ සේවකයෝ අද (27) විරෝධතා ව්‍යාපාරයක් දියත් කළහ.

රාජ්‍ය හා පළාත් රාජ්‍ය සේවා වෘත්තීය සමිති එකමුතුව සංවිධානය කළ මෙම විරෝධතාව රට පුරා සියලුම රාජ්‍ය ආයතන ඉදිරිපිට පැවැත්විණි.

දීමනා හෝ වැටුප් වැඩිකිරීම් 2024 ජනවාරි සිට ක්‍රියාත්මක කිරීම, 2016 සිට අහිමි කළ පූර්ණ විශ්‍රාම වැටුප් අයිතිය යළි දීම, වැන්දඹු අනත්දරු අරමුදලට වැටුපෙන් සියයට 8 ක් ක් කැපීම නැවැත්වීම සහ සියලු සේවකයින්ගේ ශ්‍රේණි උසස්වීම් වහා ක්‍රියාත්මක කිරීම යන ප්‍රධාන ඉල්ලීම් ද මෙම විරෝධතාවට ඇතුළත් වේ.

එහි ප්‍රධාන විරෝධතාව කොළඹ සෙත්සිරිපාය ඉදිරිපිට පැවති අතර එම විරෝධතාවයට වෘත්තීය සමිති එකමුතුව වෙනුවෙන් චන්දන සූරියආරච්චි මහතා ඇතුලු වෘත්තීය සමිති නියෝජිතයෝ විශාල පිරිසක් සහභාගි වූහ.

(ඡායාරූප: ශාන්ත රත්නායක)