(රන්ජන් කටුගම්පොල)

දෙවන බුවනෙකබාහු රජු භාවිත කළ  කුරුණෑගල නගර මධ්‍යයේ පිහිටි "රාජ සභා මණ්ඩපය" ඩෝසර් කිරීමේ සිද්ධිය  සම්බන්ධයෙන්  හිටපු නගරාධිපති තුෂාර සංජීව විතාරණ ඇතුළු පස්දෙනෙකුට කුරුණෑගල මහාධිකරණය විසින් නියම කළ  බරපතල වැඩ සහිත වසර තුනක සිර දඬුවම වසරක සිර දඬුවමක් දක්වා අඩු කිරීමට අභියාචනාධිකරණය තීරණය කළේය .

 ඒ අනුව ඔවුන් චෝදනා තුනකට වැරදිකරුවන් කරමින් වසර බැගින් වන පරිදි වෙන් වෙන්ව  ගෙවී යන ලෙස වසර තුනකට   නියම කර තිබූ  සිර දඬුවම එකවර ගෙවී යන සේ වසරක් තෙක්  අඩු කිරීමට  නියම කරන කෙරිණි.

කුරුණෑගල මහාධිකරණ තීන්දුව ප්‍රකාශයට පත් කළ 2023 වසරේ දෙසැම්බර් මස 14 වැනිදා සිට ක්‍රියාත්මක වන පරිදි මෙම සිර දඬුවම  බලපැවැත්විය යුතු බවට ද  නියම කෙරිණ. 

අදාළ සිර දඬුවමට එරෙහිව ගොනුකර තිබූ අභියාචන පෙත්සමකට  අවසර දෙමින් මෙම නියෝගය සිදු කෙරිණි .