’’යළි පහර දුනහොත් බලාගෙනයි’’

ඉරානයට නැවත වරක් පහර දීමට ඊශ්‍රායලයට ඇමෙරිකාව සහාය ලබාදුනහොත් කලාපයේ තිබෙන ඇමෙරිකානු හමුදා කඳවුරු ඉලක්ක කරමින් ප්‍රහාර එල්ල කරන බව ඉරාන ආරක්ෂක හමුදාවේ මාණ්ඩලික ප්‍රධානී මේජර් ජෙනරාල් මොහොම්මඩ් බගේරි ප්‍රකාශ කළේය.

ඉරානය ඊශ්‍රායලයට එල්ල කළ ප්‍රහාරයට පිළිතුරු වශයෙන් නැවතත් ඊශ්‍රායලය ඉරානයට ප්‍රහාර එල්ල කළහොත් වඩාත් දරුණු ලෙස එම ප්‍රහාර වලට පිළිතුරු ලබාදෙන බව මොහොම්මඩ් බගේරි අනතුරු ඇඟවූවේය.

එම පිළිතුරු ලබාදීම ඩ්‍රෝන සහ මිසයිල 300 කට වඩා වැඩි ප්‍රමාණයක් භාවිත කරමින් පසුගිය සෙනසුරාදා එල්ල කළ ප්‍රහාරයට වඩා විශාල එකක් වනු ඇති බව මේජර් ජෙනරාල්වරයා පැවැසුවේය.

ඊශ්‍රායලයට ගුවන් ප්‍රහාර එල්ල කිරීමට දින කීපයකට පෙර කලාපීය අසල්වැසියන්ට ප්‍රහාරය පිළිබඳ දැනුම් දුන් බවත් සිය රටේ ආරක්ෂාව වෙනුවෙන් සීමාවන් සහිත ප්‍රහාරයක් ඊශ්‍රායලයට එල්ල කරන බව ඇමෙරිකාවටද දින කීපයකට පෙර දැනුම් දුන් බවත් ඉරාන විදේශ කටයුතු අමාත්‍ය හොසේන් අමීර් අබ්දුල්ලාහියන් එරට සිටින තානාපතිවරුන් අමතමින් ප්‍රකාශ කළේය.

ඊශ්‍රායල ප්‍රහාරයට පිළිතුරු ලෙස මෙම ප්‍රහාරය එල්ල කළ බවත් නැවතත් ඊශ්‍රායලය ඉරානයට ප්‍රහාර එල්ල නොකළහොත් මෙම අර්බුදය මෙතනින් අවසන් වන බවත් ඉරාන විදේශ කටයුතු අමාත්‍යවරයා පැවසුවේය.

පසුගිය සෙනසුරාදා එල්ල කළ ප්‍රහාරයේදී සියයට 99 ඩ්‍රෝන සහ මිසයිල බිම දැමීමට ජෝර්දානයේ, ඇමෙරිකාවේ සහ එක්සත් රාජධානියේ සහාය ඇතිව ඊශ්‍රායලයට හැකියාව ලැබුණත් ඇතැම් බැල්ස්ටික් මිසයිල ඊශ්‍රායලයට පතිත විය.

එම ප්‍රහාරයෙන් ගුවන් හමුදා කඳවුරකට හානි සිදු වූ අතර ඊශ්‍රායල දැරියක්ද ප්‍රහාරයෙන් තුවාල ලැබුවාය.

ඉරාන ප්‍රහාරයට පිළිතුරු ලබාදෙන ආකාරය සාකච්ඡා කිරීමට ඊශ්‍රායලය යුද කැබිනට්ටුව රැස්වීමට නියමිතව තිබිණි.

අදහස් (11)

’’යළි පහර දුනහොත් බලාගෙනයි’’

ජගත් ලියනගේ Monday, 15 April 2024 08:09 AM

ඉරානයට ජයවේවා! අපේ රටට, අමාරු කාලවලදී ගොඩක් උදව් කරලා තියෙනවා...

: 42 37

vincentMonday, 15 April 2024 04:34 PM

ඇමෙරිකාවේ ග්‍රීන් කාඩ් එක දෙනවා... කැමැතිද යන්න...?

: 9 7

නිහාල් Monday, 15 April 2024 09:01 AM

තාම කෑම හම්බවුනේ නෑ. පලස්තීනයට අන්තිමට වුණේ දරුවෝ පෙන්න පෙන්නා අඬන්න...

: 29 33

Don perea Monday, 15 April 2024 11:28 AM

අමු ගොන්නු ඉන්න තවත් රටක්... ලංකාවට දෙවැනි නැහැ..

: 24 38

,chandana Monday, 15 April 2024 12:53 PM

බලහත්කාරකම සහ චන්ඩිකම. මේක තමයි ඉස්ලාමීය අන්තවාදීන්ගේ ක්‍රමය. කෑම ලැබෙයි වැඩි දවසක් යන්න කලින්...!

: 24 42

ධනුෂ්ක Monday, 15 April 2024 08:07 PM

මහත්මයා ඊශ්‍රායලය නේද ඉස්සර වෙලාම ඉරාන කොන්සියුලර් කාර්යාලයට ගැහුවේ, ඒ වගේම ඊශ්‍රායලය නේද බලහත්කාරයෙන් පලස්තීන භූමිය අල්ලගෙන ඉන්නේ ඉතිහාසය දන්නවාද?

: 2 4

චන්දන Monday, 15 April 2024 04:14 PM

වැඩිකල් නොගොස් ඊශ්‍රායලය ලොකු අමාරුවක වැටෙනවා.

: 26 12

ෆස්රුල් ගෆූර් - කටාර් Monday, 15 April 2024 09:04 PM

ඉරානයට පහර දීමට ඇමෙරිකාව කිසිසේත් සහාය ලබා නොදෙන බව ඇමෙරිකානු ජනාධිපති ජෝ බයිඩ්න් ඊශ්‍රායල අගමැති බෙන්ජමින් නෙදන්‍යාහුට දන්වා ඇතැයි විදෙස් මාධ්‍ය වාර්තා කළේය. දෙරටේ නායකයන් අතර විනාඩි 25 ක පමණ කාලයක් පැවැති දුරකතන සංවාදයකදී ඇමෙරිකානු ජනාධිපතිවරයා ඊශ්‍රායල අග්‍රාමාත්‍යවරයාට මෙම දැනුම්දීම සිදුකර ඇතැයි විදෙස් මාධ්‍ය සඳහන් කළේය.

: 3 0

Bamunuarachchi Tuesday, 16 April 2024 03:46 AM

එතකොට ඇමරිකාව අකුලාගෙන යාවි නේද?

: 2 0

Anura Tuesday, 16 April 2024 06:29 AM

රටවල් දෙකෙන්ම සාමය බලාපොරොත්තු වෙනවා / දැන් මිනිසුන් යුද්ධයට වෛර කරනවා ඇමරිකාට සටන් කිරීමට අවශ්‍ය නම් ඔහුට නේටෝව සමඟ සටන් කළ හැකිය

: 2 0

Mohan Tuesday, 16 April 2024 06:32 AM

ඉරානය කියන්නේ ත්‍රස්තවාදී රටක්. අමු ගොබ්බයෝ ඉන්නේ . ලෝක සිතියමින් අතුගා දමන්න ඕනි

: 3 1

ඔබේ අදහස් එවන්න

එසැණ පුවත්

කැනඩා මහකොමසාරිස් - කතානායක අතර හමුවක්

2025 මැයි මස 06 18 0

ශ්‍රී ලංකාවේ කැනඩා මහකොමසාරිස් එරික් වොල්ෂ් මහතා කතානායක වෛද්‍ය ජගත් වික්‍රමරත්න මහතා හමුවී සාකච්ඡා පැවැත්වීය.

ජනපති දිවයිනට

2025 මැයි මස 06 164 0

ජනාධිපති අනුර කුමාර දිසානායක මහතා සිය තුන් දින වියට්නාම් සංචාරය නිමා කර මෙරටට අද (06) පස්වරුවේ පැමිණි බව කටුනායක ගුවන් තොටුපොළ කාර්යය භාර නිලධාරීවරයා ප

වියදම් පෙන්නන්න අපේක්ෂකයන්ට දින දෙයි

2025 මැයි මස 06 58 0

පළාත් පාලන මැතිවරණය පවත්වා ප්‍රතිඵල නිකුත් වීමෙන් දින 21ක් ඇතුළත සිය වියදම් වාර්තා දිස්ත්‍රික් තේරීම් බැහැර නිලධාරීවරුන්ට භාරදෙන ලෙස මැතිවරණ කොමිෂන

පුතාගේ ආයුධ පහරින් පියා මරුට

2025 මැයි මස 06 593 0

ගලේවෙල මකුළුගස්වැව ප්‍රදේශයේ පියෙකු සහ පුතෙකු අතර ඇති වූ ගැටුමකින් පුතා විසින් එල්ල කළ යකඩ පොලු පහරකින් පියා මියගොස් ඇතැයි මකුළුගස්වැව පොලිසිය කියය

පුත්තලමේ මැතිවරණ පැමිණිලි 132ක්

2025 මැයි මස 06 394 0

පුත්තලමේ මැතිවරණ පැමිණිලි 132ක්

ලංකා-වියට්නාම් ඒකාබද්ධ රාජ්‍ය නිවේදනය නිකුත් වේ

2025 මැයි මස 06 490 0

ශ්‍රී ලංකා ජනාධිපති අනුර කුමාර දිසානායක මහතා මැයි 4 - 6 දක්වා වියට්නාමයේ කළ සංචාරය පිළිබඳව රාජ්‍යයන් දෙක විසින් කරුණු 28කින් යුක්තව ඒකාබද්ධ නිවේදනයක් නි