මළසිරුරු ශීතාගාරවල තැබීම කොරෝනා වයිරසය ගබඩා කරතැබීම හා සමානයි

(සිරංගිකා ලොකුකරවිට)

කොරෝනා මළ සිරුරු සම්බන්ධයෙන් සෞඛ්‍ය අමාත්‍යාංශයෙන් නිකුත් කර ඇති චක්‍රලේඛ හා ගැසට් නිවේදනයේ උපදෙස් නොතකා මළ සිරුරු ශීතාගාරවල තබාගැනීම කොරෝනා වයිරසය ගබඩාකර තබාගැනීම හා සමාන බව ගාල්ලේ ආන්දෝලනයට තුඩුදුන් මළ සිරුර ඇසුරින් කරන ලද පීසීආර් පරීක්ෂණවලින් තහවුරු වී ඇතැයි ගාල්ලේ අධිකරණ වෛද්‍යවරු කියති.

මේ පිළිබඳව අදහස් දක්වමින් ගාල්ල කරාපිටිය ශික්ෂණ රෝහලේ අධිකරණ වෛද්‍ය අංශ ප්‍රධානී විශේෂඥ අධිකරණ වෛද්‍ය රොහාන් රුවන්පුර, රුහුණ විශ්වවිද්‍යාලයේ ජ්‍යෙෂ්ඨ කථිකාචාර්ය විශේෂඥ අධිකරණ වෛද්‍ය යූ.සී.පී.පෙරේරා සහ විශේෂඥ අධිකරණ වෛද්‍ය රුවන් නානායක්කාර යන මහත්වරුන් පවසන්නේ එම සිරුරෙන් කරන ලද පීසීආර් පරීක්ෂණ අනුව මළ සිරුරක වයිරසය සක්‍රීය මට්ටමේ පවතින ආකාරය පිළිබඳ පැහැදිලි අදහසක් මතුවන බවයි.

ඔවුන් පවසන්නේ, ගාල්ල දෙද්දුගොඩ දී මියගිය පුද්ගලයාගේ මළ සිරුර රජයේ වියදමින් ආදාහනය කිරීමට ගෙන යාමට පෙර කිහිපවරකදී ගන්නාලද සාම්පලවලින් කරන ලද පීසීආර් පරීක්ෂණ වලින් එම මළ සිරුරේ කොරෝනා වයිරසය සක්‍රීය මට්ටමේ පැවැති බව තහවුරු වූ බවයි.

එම පුද්ගලයා මියගොස් දිනකට පසු ප්‍රථම සාම්පලය ද, දින 03කට පසු දෙවන සාම්පලය ද ලබාගෙන තිබූ අතර, තෙවන සාම්පලය ගෙන තිබුණේ මියගොස් දින 05ක් ගතවූ පසුවය. මෙම සාම්පල තුනම ධනාත්මක ප්‍රථිපල පෙන්වූ බව වෛද්‍යවරු කියති. මළ සිරුරක කොරෝනා වයිරසය පවතින කාලය පිළිබඳ නිශ්චිතව දැනගැනීම සඳහා පර්යේෂණයක් මෙතෙක් සිදුකර නොමැති නමුත් වෛද්‍යවරුන්ගේ පිළිගැනීම වූයේ මළ සිරුරක කොරෝනා වයිරසය පවතින්නේ දින 04ක පමණ කාලයක් බවයි. එසේ වුවද මෙම මළ සිරුරෙන් 05වන දිනයේ ලබාගත් සාම්පලය ද ධනාත්මක වී තිබිණි.

ඒ අනුව වෛද්‍යවරුන් පවසන්නේ මළ සිරුරුක් ශීතාගාරයක තැබීමෙන් එහි කොරෝනා වයිරසය වැඩි දින ගණනක් සක්‍රීයව පවතින බව තහවුරු වූ බවයි. ඇතැම් කණ්ඩායම් විසින් කොරෝනා මෘත දේහ ශීතාගාරවල තැබීම සඳහා ඉල්ලීම් කළ ද එය ප්‍රායෝගික නොවන බව මේ අනුව පැහැදිලි වන බවත්, වෛද්‍යවරු කියති.

84 හැවිරිදි වියේ පසු වූ එම පුද්ගලයා පසුගිය 19 වැනි දින උදෑසන නිවසේ දී මියගොස් තිබිණි. කොරෝනා ආසාදනය වී රෝහල්ගතව පැමිණ සිටි අයකු බැවින් ඔහුගේ මරණය කොරෝනා ආසාදිතයකු ලෙස සළකා ආදාහනය කිරීමට ඥාතීන් එරෙහි වූ බැවින් 20 වැනි දින මළ සිරුරෙන් පළමු පීසීආර් පරීක්ෂණය සිදුකළ අතර ඉන් තහවරු වූයේ ඔහුගේ සිරුරේ ඒ වනවිටත් කොරෝනා වයිරසය ඇති බවයි.

නමුත් එම ප්‍රතිඵලය පිළිගැනීමට ඥාතීන් සූදානම් නොවූ අතර ඔවුන් මියගිය පුද්ගලයා මුස්ලිම් ජාතිකයකු බැවින් දේහය ආදාහනය කිරීමට එරෙහිව අධිකරණයට ද ගියේය. මේ අතර 22 වැනි දා මළ සිරුරෙන් දෙවැනි පීසීආර් පරීක්ෂණයක් පැවැත්වූ අතර එයින් ද සනාථ වූයේ තවදුරත් එම සිරුරේ කොරෝනා වයිරසය සක්‍රීය මට්ටමේ තිබෙන බවයි. ගාල්ල ප්‍රධාන මහේස්ත්‍රාත්වරිය විසින් දුන් නියෝගය අනුව සෞඛ්‍ය අධ්‍යක්ෂ ජනරාල්වරයාගේ උපදෙස් පරිදි දේහය දඩල්ල ආදාහනාගාරයේ දී 24 වැනි දින එනම් මියගොස් දින 05කට පසුව ආදාහනය කෙරිණි. සිරුර ආදාහනය කිරීමට සුළු මොහොතකට පෙර ලබාගත් තෙවැනි සාම්පලයේ ප්‍රථිපල අද (26) දින ලැබි තිබිණි.

අදහස් (6)

මළසිරුරු ශීතාගාරවල තැබීම කොරෝනා වයිරසය ගබඩා කරතැබීම හා සමානයි

mohomed Saturday, 26 December 2020 10:05 AM

බන්ධනාගාරයේ සිදුවීමෙන් පසු කොරෝනා මෘතශරීර 04ක් ශීතාගාරවල තියෙන එක අවුලක් නැද්ද? සිංහල හින්දද?

: 0 0

Nuwan Saturday, 26 December 2020 10:20 AM

ලංකාවේ තියෙන අමුතු නීතියක්නේ.. බහුතරේ නීති පිළිපදින්න ඕනේ... නැතිනම් වැඩි සුලුතරේ බහුතර අයගේ ජීවිතත් එක්ක සෙල්ලම් කළත් නීතියක් සතේකටවත් ගණන් ගන්නේ නැහැ. කිසි අවුලක් නැහැ... සර් ඔබ නම්.

: 0 0

Darshana Saturday, 26 December 2020 11:45 AM

දැන්වත් තේරුම් ගනීවිද මන්දා...?

: 0 0

Dewa Sunday, 27 December 2020 02:42 AM

නැහැ... අර ජී.එම්.ඔ එක...

: 0 0

Asanka Sunday, 27 December 2020 06:08 AM

වෙනත් රටවල්වල එන්නත ගබඩාකරගැනීමට ශීතකරණ පහසුකම් සකසා ගන්නවා කඩිමුඩියේ.... අපේ ගල්වැද්දෝ ටික මෙ අස්වැන්න කාලෙදී මෙ එළවලු ටිකවත් හරියට ගබඩා කරගන්න ශීතකරණ පහසුකම් නැති රටෙ අනිත් අයගේ මිනී ගබඩා කරගන්න දගලනවා. මෙ රටෙ ඉන්න බෞද්ධ, හින්දු, කතෝලික අපි පව්කාරයෝ...

: 1 5

Rajendra Sunday, 27 December 2020 04:32 PM

පොසිටිව් වුනාට සාන්ද්‍රණය අඩු නිසා වෙන අයට බෝවීම සිදු නොවන බව විශේෂඥ මතය... මහජනයා නොමග යවා ජාතිවාදී හැඟීම් අවුස්සන්න එපා.

: 5 2

ඔබේ අදහස් එවන්න

වැඩි දෙනා කියවූ පුවත්

සරසවි නේවාසිකාගාරයෙන් කලලයක කොටස් හමු වෙලා

2025 නොවැම්බර් මස 08 10511 2

වාහන ආනයනයෙන් බස් 3,000ක් අනතුරේ

2025 ඔක්තෝබර් මස 24 9963 39

උතුරු කොරියාවේ රාජ්‍ය නායක කිම් යොං නම් සමුගනී

2025 නොවැම්බර් මස 04 7488 0

කැළණිය විශ්වවිද්‍යාලයෙන් බෝතල් මූඩී බංකුවක් මරදානට

2025 නොවැම්බර් මස 05 7172 3

කෝටියක මාළු මා දැලක පැටලේ

2025 නොවැම්බර් මස 01 7149 3

2025 නොවැම්බර් මස 04 511 0

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

2025 ඔක්තෝබර් මස 08 2249 0

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

2025 ඔක්තෝබර් මස 01 1682 0

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට