(ෂේන් සෙනෙවිරත්න)

ඊශ්‍රායල් ජාතිකයන් නැවතී සිටින මහනුවර සංචාරක හෝටල්වලට විශේෂ ආරක්ෂාවක් යෙදවීමට පොලිසිය පියවර ගෙන තිබේ.

මහනුවර පොලිස් කොට්ඨාසය තුළ ඇති සංචාරක හෝටල්වලට පැමිණෙන විදේශීය සංචාරකයන් පිළිබඳව දෛනික වාර්තා ලබා ගැනීමට පියවර ගෙන ඇති අතර ඒ අතරින් ඊශ්‍රායල් ජාතිකයන් නවාතැන් ගන්නා සංචාරක හෝටල්වලට විශේෂ ආරක්ෂාවක් යෙදවීමට ද පොලිසිය පියවර ගෙන තිබේ.

මහනුවර කොට්ඨාස භාර ජ්‍යෙෂ්ඨ පොලිස් අධිකාරි අනුරුද්ධ බණ්ඩාරනායක මහතාගේ උපදෙස් පරිදි ක්‍රියාත්මක මෙම ආරක්ෂක වැඩපිළිවෙළ යටතේ එම සංචාරක හෝටල් ආශ්‍රිතව විශේෂ මුර සංචාර වැඩපිළිවෙළක් ද ක්‍රියාත්මක කර ඇත.