මහින්ද රට හොඳටම ණය කරලා - අගමැති

සුබ සාධනයට වෙන් කරපු මුදලෙන් ලක්ෂ 120ක් නත්තල් ගහකට නාස්ති කළාම ඒ ණය ගෙවන්නේ කවුද? නිකන් අහිංසක මහා ජනතාව බොරු කතා වලින් අන්දන්න හදන්න එපා (නි)

පහන්, නොදන්නා අර්ථ ශාස්ත්‍රය ගැන කතා නොකර හිටියොත් හොඳයි නේද. (නි)

එදා ණයට අරන් මන්ත්‍රිලට සැප දුන්නා. අද අපේන් අරන් මන්ත්‍රිලට සැප දෙනවා. නත්තල් ගහට ශ්‍රමය අාණ්ඩුවෙන් වුණාට සල්ලි දුන්නේ මිනිස්සු. මහ බැංකුවේ කතාව නම් ඉතින් කියෙවුවට උසාවියකටවත් යන්නේ නැතිලුනේ. මොකද කියන තරම් ලෙහෙසි නැහැනේ වැරදි ඔප්පු කරන්න (නි)

මහත්තයෝ, තමුන්ගේ ඡන්ද පොරොන්දු ඉටුකරන්න ගිහිල්ලා නෙමෙයිද රටට මෙහෙම වුණේ? රාජ්‍ය සේවකයන් දාහතර ලක්ෂයකට 10,000/= ගානේ මසකට කීයද? එහෙනම්, කියමු බලන්න අවුරුද්දට වියදම කොහොමද හොයන්නේ කියලා. එහෙන් ඉන්ධන ගෑස් අඩුකරලා ආදායමත් නැතිකර ගත්තා. (නි)

තවමත් ඉතින් මේ කතා විශ්වාස කරන මිනිස්සු ඉන්නවා කියලා හිතනවා නම් වැරදියි. (ම)

දැන්නම් අපිව රවට්ටනවා බොරු (නි)

ආණ්ඩුවේ කපටි කෛරාටික වැඩ රටට හෙළිවෙලයි තියෙන්නේ. ඔබතුමාලා ගැන විශ්වාස කරලා රටේ ජනතාව රට භාරදුන්නට, කුට්ටම අනලා ගේම දෙනවා ඇරෙන්න ඔබතුමාලා රටට ජනතාවට දුන් කප්පරක් පොරොන්දු ඉෂ්ට සිද්ධ කරලා නැහැ. ඒ ගැන මුලින්ම එන මැතිවරණයකින් ඔබට බලාගන්න පුළුවන්. (නි)

අපි ඉන්නේ විදේශ රටවල. මහින්දගේ පවුල් පාලනය අපට එපා වුණේ අවුරුදු ගණනාවකට පස්සේ. රට යන අත දැක්කා. මේ දියුණු රටවල මිනිස්සු ජීවිතය විදින ලස්සන අපේ රටේ අහිංසක මිනිසුන්ටත් උදාවේවා යන සිතුවිල්ලෙන් තමා සමාජ ජාල මගින් අපි ලොකු කැපවීමක් කළේ. නමුත් අද යහපාලනය මට නම් වහ වෙලා. ඔබතුමාලා ලැජ්ජා විය යුතුයි. ජනතාව දියවන්නාව වට කරන කාලය වැඩි ඇතක නොවේ. (නි)

ගන්න කොට ගත්තේ නම් රිදී බන්දේසියක තියපු හොද අයිසින් කේක් එකක් කියල රහ කරකර කන්න නේද? (අ)

මහින්දගේ බදු ප්‍රතිපත්තිය අවිධිමත් නම්..දැන් බදු ප්‍රතිපත්තිය විධිමත්ද? (ම)

මහින්දට බැන, බැන, තමන්ගේ නම්බුව රැකගන්න උත්සාහ කරනවා. තවත් ජනතාව රවටන්න එපා මහත්තයෝ. යහපාලනය කියන්නේ හැමදේම විකුණන එකද? (නි)

ඔය විහිලු කතා නවතන්න දැන්. අපි හොරු ගෙදර යවලා ඊට වැඩිය හොරු ටිකක් ගෙනවිත් තියෙන්නේ කියලා දැන් රටටම පේනවා. (නි)

අපි ලංකාවට එනකොට ගෙනෙන බඩු මල්ල පැදුරු මල්ලේ එලලා තමයි බදු ගහන්නේ.දැන් ඉතින් ලංකාවට බඩු අරගෙන එන ඒකත් ඉවරයි. (ම)

දැන් ඔය ටේප් එක ඇති නේද? (නි)

"දැවැන්ත සංවර්ධනය" කෙරෙන විදිය හොඳට පේන්න තියෙනවා (නි)

කට නම් තියෙනවා. නමුත් කරපු දෙයක් තාම නැහැ (නි)

හිටපු දුෂිතයන්ගේ ගසා කාම රටේ අසරණ මිනිසුන් ලවා පියවන්න එපා (ම)

අනේ! කරන්න බැරි නම් ඕක දීලා යන්නකෝ අපිට වද නොදී. මහා ලොකු ආර්ථික ඔස්තාර්ලා! (නි)

එහෙම තියෙද්දිද මන්ත්‍රි පඩි වැඩි කරලා කාර් ගෙනත් දිලා සැප දෙන්නේ (ම)

රට ආරක්ෂා කරමින් සංවර්දනය කරා ගෙනගිය ශ්‍රේෂ්ඨ නායකයා පැරදවූ ගුණමකු සිංහලයට එහි විපාක පළදෙනවා. (නි)

කවුරු කවුරුත් ගත් ණය කතා කර කර තව ණය ගන්නවා. මැති ඇමතිලා නඩත්තු වියදම් ගැන කතා නැහැ. අපි හැමදාමත් මොවුන්ට රැවටෙනවා (නි)

කටින් බතලකොල! රට කරවපු හැම වෙලාවෙම රට කෑවා (නි)

මේ අයට රට ගැන කතා කරන්න අයිතියක් නැහැ (නි)

මේගොල්ලන්ගේ බැරිකමට අහක ඉන්න මහින්ද පළි. හොරුත් දැක්කා මෙහෙම හොරු ජීවිතයටම නොදැක්කා! (නි)

එ්කට කමක් නැහැ. මහබැංකු වංචාවෙන් උපයපු මුදලින් ඒවා ගෙවන්න. (නි)

හැම එකටම මහින්ද මහින්ද කිය කියා ඉස්සරහට වැඩ වලින් හොරාකන එකයි බොරු පම්පෝරි ගැහිල්ලයි විතරයි රටේ දැන් වෙන්නේ. රටේ කිසි වැඩක්, සංවර්ධනයක් නම් වෙන්නේ නැහැ. අන්තිමට ඉස්සරටත් වඩා ණය අරන්, ඒවායින් කරපු දේකුත් නැහැ (නි)

එතකොට අර මහා බැංකු බැදුම්කර සිද්ධිය කාගේ රජයකින්ද වුණේ? (නි)

මොවුන්ට කියන කට ගලේ උලා ගන්නවා ඊට හොඳයි (නි)

ඕවා කිය කියා හිටියා දැන් ඇති. නටන්න බැරි කෙනත් පොළොව ඇදයි කිවුවනේ? (නි)

ගුවන්තොටුපළේ කැමරා සවිකරන්නත් විරුද්ධව වැඩ වර්ජනය කළේ කවුද දන්නෙ නැහැ (නි)

දැන් ගන්න ණය වලින් රට ණය වෙන්නේ නැද්ද? මෙයාලා වෙන මොනවා කරන්නද. ඕවා කියව කියවා ඉන්නෙ නැතුව. (නි)

ඔබලාත් ඊට සමානම ණය මේ වෙනකොට අරගෙන ඉවරයිනෙ. ඉතින් ඒ ණය බේරන්න තිබුනනෙ ඒකෙන්. ඒ ණය අරගෙන මොනවද කළේ. ඔබතුමාලා බලයට එන්න කලින් මවපු විදියට රට දියුණු කරන්න පටන්ගත්තා නම් මේ හැම ණයක්ම රටට නොදැනී, ජනතාවට නොදැනී ගෙවන්න තිබුනා. කොහෙද රටට වඩා මැති අැමතින්ගෙ දියුණුව ගැනනෙ හිතුවෙ. (නි)

කණගාටු වෙනවා හැර වෙන මොනවා කියන්නද. (නි)

මේ කියන විදිහට රටේ නීතියක් රීතියක් කියලා දෙයක් ඕනෑ නැහැනේ. ඕනෑම කම්බා හොරෙකුට මහජන මුදල් රුපියල් කෝටි ප්‍රකෝටි ගණනින් ගසා කාලා නිදහසේ ඉන්නත් පුළුවන්නේ. මොකද ඒ මුදල් පියවන්න අසරණ මිනිස්සු ඉන්නවනේ. මේවා අහල/දැකලා කම්බා හොරු අපිට හිනා වෙනවා. ලැජ්ජයි. (නි)

ඇයි මහින්ද බලෙන්ද ආණ්ඩුව දුන්නේ ඔයාලට. දැන් බයිලා කියනවා. මහින්ද හොරකම් කළාලු. එ්ත් මහින්දගේ කාලෙට වැඩ කොච්චර වුණාද? (නි)

අා.....ඒ ණය බර නිසා වෙන්න අැති වාහන ගෙන්නන්නෙ නේද..... කාටද මේ බොරු කියන්නෙ (නි)

60% ශ්‍රී ලාංකික මෝඩයින් නිසා අපිත් ගොඩ (නි)

බැඳුම්කරේ පාඩුව කළේ එතකොට මහින්දද ,මත්තල වගේ 1 1/2 හදන්න තිබුනා ඒවායින් (නි)

මහින්ද රට හොඳටම ණය කරලා. ඔබලත් එ්කම නේද කරන්නේ? ආණ්ඩුධු පක්ෂයේ මන්ත්‍රීවරු 58 දෙනාට මාසික රුපියල් ලක්ෂ 7 බැගින් අවුරුදු 5 ට ලීසිං දීමනාව, වාහන පර්මිට්, මන්ත්‍රී වැටුප් ලක්ෂයකින් වැඩිකරමින්, ඇමතිවරුන්ට කෝටි ගණන් වටිනා වාහන, කෝටි ගණන් බද්දට ඇමතිවරුන්ට කාර්යාල, හිතුවක්කාර විදියට ඇමතිවරුන් උපදේශකවරුන් පත්කරමින්... බලනකොට දෙගොල්ලම එකයි. මහින්ද ඒ දේවල් හොරෙන් කළා. ඔබලා නිලවශයෙන් කරනවා. දෙකෙන්ම මහජනයාට තමයි බර. (නි)

දැන් නම් බොරු කළා හොදටම ඇති. ඕවා විශ්වාස කරන්නේ කැපුවත් කොළ පාටයි කියන අය විතරයි. ගිය ආණ්ඩුව අවුරුදු 10 කාපුවා, මෙයාආ අවුරුදු දෙකෙන් කෑවා. තාමත් අපිට මහින්ද පෙන්නලා, සුදනන් වෙන්න පුළුවන් කියලා හිතනවා නම්... (නි)

තවමත් ඉතින් මේ කතා විශ්වාස කරන මිනිස්සු ඉන්නවා කියලා හිතනවා නම් වැරදියි (නි)

අනේ තව අවුරුදු කීයක් ඕකෑ කියන්නද? බොරු කවදා හරි එළිවෙනවා. බැංකු හොරාව පත්කරපු අයටත් දඬුවම් ලැබේවි දවසක. (නි)

අවුරුදු දෙකක් ගිහිල්ලත් තාම පරණ පොත පෙරළනවා. ණය අරන් ඒ මනුස්සයා වැඩ කළා. (නි)

දැන් මේ කතා අහලා ඇතිවෙලා (නි)

එතකොට දැන් ඔයාලා අයිඑම්එෆ් එකෙන් එහෙම ගන්නෙ ණය නොවෙයිද? (නි)

මහින්ද රට ණය කරලා කියන කතාව දැන් ඇති. දැන් කියන්න එ්වා ගෙවන්න ගන්න ක්‍රියාමාර්ගය මොකක්ද කියලා. එහෙම බැරිනම් වෙන කවුරු හරි කරන්න පුලුවන් කෙනෙකුට රට දීලා අයින් වෙන්න. ඔයාලට කලින් ආණ්ඩුව ගත්ත ණය ගෙවන්න ක්‍රමයක්වත් හොයන්න බැරිකොට අපි කොහොමද ආණ්ඩු දෙකක ණය ගෙවන්නේ? (නි)

මේ ෆොටෝ වලට මුහුණ හංගාගෙන ඉන්නේ, මේ යහපත් වැඩ වලට අකමැති කට්ටියදෝ කියලා මට නම් හිතෙනවා (නි)

අනේ මොකටද තව කතා? (නි)

දේශපාලකයින්ට මෙය එතරම් ප්‍රශ්නයක් නොවෙයි. වියට්නාමයේ හිටපු නායකයා, හෝචි මින් නිදාගත්තේ ලෑලි ඇඳක. කුඩා කාමරයක. නොබෝදා මියගිය ෆිදෙල් කස්ත්‍රෝ ඉන්න කාලෙදිත් කිසිම තැනක එතුමාගේ නම දැම්මේ නැහැ. මියගියාට පස්සෙත් එය ඒ විදිහටම කරන බව එම පවුලේ අය කියා තිබුණා. එවැනි ආදර්ශවත් ලෝක නායකයෝ නොයෙක් රටවල හිටියා, ඉන්නවා. ඒකට අපේ නායකයෝ? එහෙම අයට, රටට මොනවා වුණත් කමක් නැහැ. ඒ අය උපරිම සැප විඳිනවා. මේ නිසයි අප රටේ දියුණුවක් නැත්තේ. (නි)

කතිරය ගහපු අයත් සෘණ ආර්ථිකයට වගකියන්න ඕනෑ (නි)

මහින්ද රට ණය කරලානේ. ඔය ඕවට පව් ගෙවන්න ඕනෑ නැහැ. මහින්දටම දීලා ගෙදර යන්න (නි)

යහපාලන රජයේ බදු සහ මිලියන 780 වීඅයිපී වාහන සඳහා ලක්ෂය බැගින් සෑම මන්ත්‍රී කෙනෙකුටම තෑගි දෙන්න (නි)

රනිල් මහත්තයා කතා කරන්නේ අපිට කිසිම දෙයක් නොතේරෙනවා වගේ. ඇත්ත තත්වය එ්ක නොවෙයි. ලංකාව ගැන ඉන්දියාවත් චීනයත් අතර පවතින අවිනිශ්චිතභාවය නිසා චීනය ලංකාවට විශාල ණය මුදලක් දුන්නා පහුගිය ආණ්ඩු කාලය තුල. නමුත් මේ ආණ්ඩුව බටහිර රටවල් වලින් ණය ගන්න හිතාගෙන තමයි හිටියේ. බටහිර රටවල් චීනය දුන්න තරම් ණය මුදල් දෙන්නේ නැති නිසා වැඩකටයුතු කරගෙන යන්න අපහසුවුණා. දැන් කියනවා ණය බරයි කියලා. මොකද ණය ගන්න බැරි බව කියන්න ලැජ්ජා නිසා. (නි)

එතකොට මහා බැංකු වාර්තාවේ තියෙන්නෙත් බොරුද මහත්වරුනි? (නි)

අන්තිමට දුප්පත් අපි පිටරටවල දුක්විඳලා ඔයාලගේ පව් ගෙවන්න ඕනෑ. මේවා උඩ ඉන්න දෙවියොම බලාගන්න ඕනෑ. අපේ රටේ මොනතරම් නිෂ්පාදන කරනවද කෝ ඒවාට තැනක්? (නි)

ඇත්ත කතා කරනකොට සමහරුන්ට හිතට අමාරුයි (නි)

ණය වෙන්නෙ නැතුව වෙන කොහොම කරන්නද, නිදහස් අධ්‍යාපනය විඳින උදවිය හැම තිස්සෙම ස්ට්‍රයික්. නිකම් බෙහෙත් වුණාට දොස්තරලා ස්ට්‍රයික්, කෝච්චි පීලි පන්නනවා, දකුණෙන් ගොළු මුහුද... ඉතින් අම්මෝ අත පය දිග අරින්නත් බැහැ. (නි)

මේවා අහල පණ පලයන් පෙරේදා කිවුවලු....... (නි)

මහබැංකු ගනුදෙනුව, මන්ත්‍රීන්ට දෙන සුඛෝපභෝගී වාහන, දැන් ගහන බදුත් මහින්දගේ ගිණුමටද බැරවෙන්නේ? (නි)

කවුරු වුණත් දන්නවා මුදලේ අගය පාවෙන්න හැරීම මුළු ලෝකයේම මුදල් ප්‍රතිපත්තියක් කියලා (නි)

ඔය වගේ දේවල් කියන්න නූගත් පාක්ෂිකයෝ ඉන්න රැස්වීම් වල. මහා බැංකු වාර්තාව බැලුවහම හොඳින් පේනවා, රටේ දළ ජාතික අාදායමට සාපේක්ෂව වැඩිම ණය ගත්තේ කවුද කියලා, කිසිදු සංවර්ධන කටයුත්තකුත් නොකර. මේ රටේ ආර්ථිකය ඍණ කරලා, අසාර්ථක රාජ්‍යක් කරපු අයත් මහින්දට බනින එකනේ වැඩේ (නි)

අහිංසක මිනිසුන්ට බදුබර පටවමින් සුරසැප විඳින්න දේශපාලකයන්ට ලැජ්ජා නැති හැටි. (නි)

පොඩි එකෙක් වුණත් දන්නවා මේ ආණ්ඩුව ආ ගමන් රුපියල පාවෙන්න හැරියා, ඇවිල්ලා තිබුන විදේශ ආයෝජන නැවැත්තුවා. රුපියලේ වටිනාකම දවසින් දවස බාල්දුවුණා. ණය වාරික තව තවත් වැඩිවුණා (නි)

ඒ ණය බරින් රට මුදවා ගැනීමට විසඳුම ලෙස දේශපාලන ගෝලබාලයන්ට පඩි හා දීමනා වැඩිකරගෙන කෝටි ගණන් වියදම් කරලා සැප කාර් අරන් දෙන එකද හරි. රට හිනස්සන්නේ නැතුව ඔය වැඩේ කරන්න පුළුවන් කෙනෙකුට දීලා යන එක නේද හොඳ? (නි)