ජිවිත පරිත්‍යාගයෙන් දිනාගත් මාතෘභූමියේ නිදහස යහපාලන ආණ්ඩුව මගින් නැවත බෙදුම්වාදීන්ට දීමට කටයුතු කරන බවත් එවන් පසුබිමක හිටපු ජනාධිපති මහින්ද රාජපක්ෂ මහතා නැවත වතාවක් බලයට ගෙන ආ යුතුයැයි ඉතාලි එකාබද්ධ සිංහල සංවිධානය පවසයි. ඉතාලි ශ්‍රී ලාංකිකයින් දැනුවත් කිරීම අරබයා පළාත් මන්ත්‍රී උදය ගම්මන්පිල මහතා සහභාගී වූ සම්මන්ත්‍රණයක් පසුගියදා නාපොලි නගරයේදී පැවැත්විණි. ඉතාලි එකාබද්ධ සිංහල සංවිධානයේ සභාපති රෝම ධර්මාශෝක විහාරාධිපති දඹදෙනියේ ධම්මාරාම හිමියන් ලේකම් ලාල් ගමගේ භාණ්ඩාගාරික කෙනඩි කොස්තා මෙම සම්මන්ත්‍රණය සංවිධානය කළහ.