( රොමේෂ් මධුෂංක)

යාපනය දිස්ත්‍රීක්කයෙන් මෙවර පාර්ලිමේන්තු මහමැතිවරණය වෙනුවෙන් ප්‍රජාතන්ත්‍රවාදී ජාතික සන්ධානයෙන් ඉදිරිපත්ව සිටි තරුණ අපේක්ෂකයෙක් ඇති වූ හදීසි අසනීප තත්වයක් හේතුවෙන් මිය ගොස් ඇතැයි පේදුරුතුඩුව පොලීසිය පැවසීය.

යාපනය වැල්වැටිතුරෙයි ප්‍රදේශයේ පදිංචි 33 හැවිරිදි සෙන්දිවේල් තිමිළණියන් නැමති අපෙක්ෂකයා මෙවර පාර්ලිමේන්තු මහමැතිවරණය වෙනුවෙන් ප්‍රජාතන්ත්‍රවාදී ජාතික සන්ධානයෙන් (තැපල් පෙට්ටියෙන්) වැල්වැටිතුරෙයි උඩුප්පිඩ්ඩි ආසනය වෙනුවෙන් තරඟ වැඳීම සඳහා අපෙක්ෂකත්වය ලබාගෙන තිබුණි.

කෙසේ වෙතත් දින 4 කට පෙර ඇති වූ හදීසි අසනීප තත්වයක් හේතුවෙන් යාපනය වැල්වැටිතුරෙයි රෝහලට ඇතුලත් කොට පසුව වැඩිදුර පතිකාර සඳහා පේදුරුතුඩුව රෝහලට ඇතුලත් කොට තිබූ අතර පසුව එම රෝහලේ ප්‍රතිකාර ලබමින් සිටියදී මෙලස මිය ගොස් තිබුණි.

මෙලෙස මිය ගිය අපෙක්ෂකයා මීට පෙර වැල්වැටිතුරෙයි නගරසභාවේ ප්‍රජාතන්ත්‍රවාදී ජාතික සන්ධානයෙන් තරඟ වැදී නගරික මන්ත්‍රීවරයෙකු වශයෙන්ද තේරීපත් වී දේශපාලනික කටයුතු සිදු කරමින් සිට ඇත.