බැසිල් රාජපක්ෂ හිටපු ඇමැති මාතර උසාවියට ඉදිරිපත් කළ දිනයේ මාධ්‍යවේදීන් උසාවි ගේට්ටුවෙන් එළියට දැමූ බව කියන සහකාර පොලිස් අධිකාරී සුදත් මාසිංහගේ ක්‍රියා කලාපය ගැන සෙවීමට දකුණු පළාත් භාර ජ්‍යෙෂ්ඨ නියෝජ්‍ය පොලිස්පති චන්දන වික්‍රමරත්න මහතා අද (13) පරීක්ෂණ ඇරැඹීය.

තංගල්ල ජ්‍යෙෂ්ඨ පොලිස් අධිකාරී ධනපාල අබේවික්‍රම මහතා පත්කරනු ලැබ සිටී.

පොලිස් නිලධරයන්ගෙන් හා මාධ්‍යවේදීන්ගෙන් ප්‍රකාශ සටහන් කරගැනීමට ඔහු බලාපොරොත්තු වේ. මාධ්‍යවේදීනට අධිකරණයට ඇතුළුවීමට මාසිංහ ඉඩ දුන්නේ නැත. මහේස්ත්‍රාත්වරිය ගේ නියමයෙන් එසේ කළ බව ඔහු කියා ඇතත් මහේස්ත්‍රාත්වරිය එසේ කියා නැතැයි මූලික පරීක්ෂණවලදී සොයාගෙන ඇත.