(රෝහණ සමරවීර සහ ජයන්ත නානායක්කාර)

ඇඹිලිපිටිය කිරැලවැල්කටුව ප්‍රදේශයේ නිවසක් තුළ දී තම මව්පියන්ට යකඩයකින් පහරදී කුරිරු ලෙස ඝාතනය කළැයි  ඝාතනයට ලක් වූ යුවළගේ පුත්‍රයා  සැකපිට අත් අඩංගුවට ගත් බව ඇඹිලිපිටිය මූලස්ථාන පොලිසිය කියයි.

පහරදීමෙන් මියගොස් ඇත්තේ කිරැලවැල්කටුව ප්‍රදේශයේ පදිංචි වන්නි ආරච්චිගේ සරත් (58) නම්මුණි ආරච්චිගේ කාන්ති නැමැති පනස් හතර හැවිරිදි දෙදරු මාපිය දෙපළක බව පොසිය සදහන් කරයි.

මියගිය පියා වසර විස්සකට අධික කාලයක් යුද හමුදාවේ සේවය කරමින් සිටි විශ්‍රාම ලැබූ අයකු බවත් ඝාතක පුතා දැඩි ලෙස මත් ද්‍රව්‍යවලට ඇබ්බැහි වී සිටි අයකු බවද පොලිසිය පවසයි.

මෙම සැකකරු ගංජා සන්තකයේ තබා ගැනීමක්  හා මවට පහර දී බරපතල ලෙස හිසට තුවාල සිදු කිරීමේ චෝදනාව මත රිමාන්ඩ් ගතව සිටියදි ඝාතනයට ලක් වූ මාපිය දෙපළ ඇප මුදල ලබාදී මීට දින කීපයකට පෙර මුදාගෙන ඇතැයි ද  පොලිසිය පවසයි.