කොස්ලන්ද මීරියබැද්ද වත්තේ ලයින් කාමර යට කැරගෙන පස් කන්ද කඩා වැටී ඇත්තේ  අද (29)  උදේ හතට  පමණ බව  අනතුරින් දිවි ගලවාත් මහේන්ද්‍රන් බණ්ඩාරවෙල රෝහලේදී කීවේය.

‘එක්වරම මහා ශබ්දයක් ඇති වුණා ඒ ශබ්දය හරි අමුතුයි.මම දිව්වා.කොයි පැත්තට දිව්වාදැයි මතක නෑ.දුවනකොට වැටුණා.පස් ටිකකින් මාත් යට වුණා‘ යැයි මහේන්ද්‍රන් සිය අත් දැකීම විස්තර කරමින් කීවේය.

රාධා ( 34) නම් වතු සේවිකාව ද දිවි බේරා ගත් නමුත් ඇගේ දරුවන් හතර දෙනාත් මවත් පියාත් නැති බවත් ඇගේ විශ්වාසයයි.

‘මගේ ඉඟටිය දක්වා පස් වලින් යට වී තිබුණා.දරුවන් හිටියේ වෙන පැත්තක ඔවුන් ගැන කිසිදු තොරතුක් නෑ.‘

ඔවුන් රෝහලට රැගෙන ආ ලොරි රියදුරා පැවසුයේ පාරේ තැන තැන ද පැලී විවිර වී තිබු බවයි.

‘ඉතා අමාරුවෙන් ලොරිය පැදෙව්වා .තුවාලකරුවන් රෝහලට ගෙනාවා.ලයින් කාමර128 ක් තිබු තැන දැන්  කිසිම දෙයක් දකින්නට නෑ.කෝවිලත් පේන්න නෑ.මේ ලයින් කාමරවල තුන්සීයක් හාරසීයක් විතර ඉන්න ඇති.‘