(කාංචන කුමාර ආරියදාස)

මොරගහකන්ද ජලාශයේ ජලය වහා නිදහස් කරන්නැයි සමස්ත ලංකා ගොවිජන සම්මේලනය රජයෙන් ඉල්ලා සිටිති .

එහි ජාතික සංවිධායක නාමල් කරුණාරත්න මහතා අද (5) මොරගහකන්ද ජලාශයේ නැරඹූම් ස්ථානයේ විශේෂ මාධ්‍ය හමුවක් කැදවමින්  මෙම ඉල්ලීම කළේය.

වහාම රජය මේ පිළිබඳව අවධානය යොමු නොකළහොත් ගොවීන් පාරට බහින දිනය ඉතා ළඟ බවත් පැවසිය .

දැනට පොළොන්නරුව ,අනුරාධපුර ,මාතලේ ,හා ත්‍රීකුණාමලය දිස්ත්‍රික්කවල විශාල ජල හිඟයක් පවතින බවත් එහි වගා කළ ගොවිබිම් ජලය නොමැතිව විනාශ වෙමින් පවතිද්දී කන්ද උඩරටින් ලැබෙන ජලය අලුතින් ඉදිකරනු ලැබූ  මොරගහකන්ද ජලාශයේ රඳවා විදුලි බලය නිෂ්පාදනයක් අත්හදා බලන්නට යාම වැරදි බවත් මේ ජලාශය ඉදිකිරීමට කිසිදු විරුද්ධත්වයක් නොමැති බව කිවේය .