රුපියල් තිස් එක් ලක්ෂ අනූ අට දහස් හයසිය පනහක් වටිනා විදේශ  මුදල් තොගයක්  ගමන් මල්ලේ සඟවාගෙන සිංගප්පුරුව බලා යාමට පැමිණි ශ‍්‍රී ලාංකිකයෙක් කටුනායක බණ්ඩාරනායක ජාත්‍යන්තර ගුවන්තොටුපලේදී  රේගු නිලධාරීන් විසින් අත් අඩංගුවට ගනු ලැබීය.

සැකකරු දෙහිවල ප‍්‍රදේශයේ පදිංචි 25 හැවිරිදි වාහන අමතර කොටස් ව්‍යාපාරිකයෙකි.

රේගු මාධ්‍ය ප‍්‍රකාශක ලෙස්ලි  ගාමිණී මහතා පැවසූවේ ඔහුගේ ගමන් මල්ලේ තිබී ඇමරිකානු ඩොලර් 23750 ක් සොයාගත් බවයි.

ඔහු ශ‍්‍රී ලංකන් ගුවන් සේවයට අයත් යු.එල් 302 දරණ ගුවන් යානයෙන්  සිංගප්පුරුව බලා යාමට අද  උදෑසන ගුවන්තොටුපලට පැමිණ සිටියදී රේගු නිලධාරීන්ට ඇතිවු සැකයක් මත පරීක්ෂා කිරීමේදී මෙම මුදල් සොයාගෙන ඇත.